一連幾日被關楚耀前度數爆， Shiga已經心情低落，好彩《十大中文金曲》有獎攞。喺台上接過獎後， Shiga即喊不停。
真面目
不擇手段 關楚耀舊愛唱連詩雅博入行
去年網上 hit爆的〈到此為止〉，連詩雅終於在港台《十大中文金曲頒獎禮》首次奪得歌曲獎。同一時間，關楚耀舊愛 Megan又再在微博發功，竟數臭 Shiga是蕩婦，又直指她忘本贈興，難怪連詩雅百感交集上台爆喊。
據知， Megan自從上年被關楚耀飛甩之後， Megan不時要求復合，關楚耀一直敬而遠之。而個樣生得幾甜嘅 Megan，查實多年前已經和當年老死 Shiga齊發明星夢，眼見𠵱家仇人由素人變藝人， Megan亦已主動聯絡幾間經理人公司，準備邊鬧連詩雅邊搵機會入行鍊過。
連詩雅與關楚耀舊愛 Megan早在 6年前已認識，當時 Shiga還未入行，兩姊妹經常孖必夜蒲，之後 Shiga得到方大同力薦入華納，有機會出碟做歌手，便開始和 Megan疏遠。知情人說︰「其實兩個當時都想做明星，但呢 啲 嘢好睇際遇，有人做唔到明星，咪諗住同個明星拍拖。又 喺微博勁數，多人留意，以為易啲入行囉。」據知， Megan近日再發功，希望再搞 啲 noise博經理人公司留意，亦順勢迫關楚耀復合。
Megan在微博大數 Shiga，話佢於公眾場合問一位已婚男士「 Can I put between your legs？」中文可解（做愛時）女上男下，會唔會係 Megan見到二人拍《喜愛夜蒲 2》呢一幕呢張劇照有感而發？
分手之後， Megan不時要求同 Kelvin復合，據知兩人仍有聯絡，但 Kelvin對身邊好友表示會「睇定 啲」。網上圖片
關楚耀怕前度
雖然關楚耀同 Megan已經分手，但據 Megan身邊人透露，關楚耀眼見 Shiga入行之後，不時離奇出現私密照，好似 rapper曲尺和以往的夜蒲食煙相，令關楚耀都不敢對 Megan太絕情，免得有排煩。知情人士說︰「佢哋分手之後， Megan仲有搵 Kelvin，大家都知道女方把口唔密，唔只 Kelvin，個個都小心佢。」
關楚耀跟圈外女友 Megan拍拖 2年，上年傳出因為連詩雅介入而分手。月初忽然有傳媒影到關楚耀車 Megan返屋企「宿一宵」。關楚耀即時否認復合，據知他亦曾懷疑有人放料。《壹週刊》圖片
二人曾經係攬頭攬頸的好姊妹，上年 Megan經營的時裝店開幕， Shiga亦有捧場。網上圖片
連詩雅：「同佢冇聯絡」
之前幾個頒獎禮，包括新城、無 綫及叱咤都拎唔到金曲獎，好彩 Shiga終於 喺港台爭番啖氣。
而一直對 Megan封嘴的 Shiga，在港台頒獎禮之後，接受本刊訪問時，終於開腔講呢位「前老友」。 Shiga直言已經冇跟對方聯絡。「係識 咗好幾年，當時仲未入行，係成日見面 嘅，但入 咗行之後，其實唔單只佢，連一齊住 嘅媽咪都唔係日日見到，可能因為咁樣變得疏離，又可能我同 Kelvin拍戲（《喜愛夜蒲 2》）後，佢有 啲誤會。」問 Shiga有沒有睇對方的微博，她說︰「之前真係冇睇，係今日睇新聞先見到，呢 啲 嘢邊個講出 嚟都會唔開心（有冇打算搵佢傾吓？）冇，我講 嘢唔叻。我同佢、同 Kelvin已經冇聯絡！」
爆 Shiga撩已婚男上床？
曾於外國留學的 Megan，出奇地熱愛港星愛玩的微博，不時上載自拍和性感照，直至去年 10月，開始在微博勁數 Shiga和 Kelvin，本刊率先報道 Kelvin力追 Shiga，狠飛 Megan之後， Megan又再微博澄清並非數臭 Shiga。但到今個月 18日， Megan再在微博發功，今次更 tag（標籤）連詩雅（ Shiga），指她忘本之餘還大爆對方性史。
Megan一直發明星夢，不時扮鬼扮馬搞造型並上載微博，據聞近日她積極與模特兒公司和唱片公司聯絡。網上圖片
Shiga最近為葉念琛電影《第一次不是你》客串，大騷長腿，努力搵錢。
18/1
20/1
過 2日， Megan回應一網友提問，大鬧 Shiga人格有問題，又指自己唔恨「紅」。
開齋打邊爐
Shiga的〈到此為止〉於港台開齋得到「金曲獎」，華納高層拉隊去尖沙咀禾牛薈打邊爐慶功，華納和 Starz People老闆鄒世龍夫婦都有到。作曲的周柏豪亦憑〈無力挽回〉得到「金曲獎」，齊齊開香檳慶祝，玩到凌晨 2點幾。
一到慶功， Shiga已經好 high，公司同事仲拎埋香檳同佢慶祝，周柏豪亦戥 Shiga高興。
華納唱片高層李仁佳、 Starz People老闆鄒世龍錫到 Shiga燶。雖然 Shiga上年唔少負面新聞，睇得出老闆都好「睇」佢。
一首〈到此為止〉令 Shiga人氣急升，周柏豪亦算有功勞，呢晚仲坐到埋一埋，唔驚又傳緋聞。
慶功後 Shiga單拖返回銅鑼灣劏房大廈屋企。佢話已開始儲錢買樓，好想改善居住環境，「希望今年可以成事，我係獨女，媽咪年紀又大喇，真係想畀好 啲 嘅環境佢住。」
留言列表
{{ article.title }}
