以往拍開愛情片如《假如愛有天意》嘅孫藝珍，今次就挑戰災難片，戲中孫藝珍親身上陣拍被水沖走場面，佢話預咗好辛苦，但最難頂係凍到成身震。
韓面
火海奇蹟
繼《海嘯奇蹟》之後，嚟緊再來一套災難片襲港。
將於週四（ 24日）在香港上映的《火海 108》，聽個戲名就知以摩天大廈的沖天大火災做題材，戲中直升機撞摩天大廈，爆炸、水浸、住客驚慌逃離場面逼真，肯定緊張到暈。由孫藝珍主演的《火》片早於剛過去的聖誕節在韓國上畫，唔只登上票房榜 no.1，至今已累積超過 450萬人次捧場，韓國傳媒預測《火》片埋單將超過 800萬人次觀看，要做災難片王冇難度。
除美國荷里活外，近年韓國亦經常炮製災難片，繼《韓流怪嚇》、《海雲臺》之後，最近又多套《火海 108》出籠。
演員真身避火
故事講首爾一棟摩天大廈，於平安夜安排直升機灑人造雪製造聖誕氣氛，當飲食部經理允熙（孫藝珍飾）跟顧客賞雪之際，直升機突然失控，更撞入大廈頂層， 108層摩天大廈即告陷入火海， 3萬人慌忙逃生。今次導演金志勳為求真實，一些重要場面堅持要用真火拍攝，更要求演員以真身避火海，分分鐘命都冇。
平安夜本應人人開心迎聖誕，點知一架直升機撞向一幢 108層嘅摩天大廈，導致半幢樓陷入火海，場面同 911事件一樣咁震撼。
火災發生後大廈內 3萬人慌忙逃生，可惜因求生無門，最豪華嘅摩天大廈，轉眼間變成人間煉獄。
話明係災難片，消防員勇救市民嘅場面梗係唔少得。由於導演堅持用真火拍攝，所以拍攝期間演員吸入唔少濃煙，搞到頭痛兼喪咳，拍呢套戲真係勁辛苦。
孫藝珍怨濕身
飾演餐廳經理嘅孫藝珍，原本諗住照顧住客金相慶個乖女，一齊度過平安夜，就喺最幸福一劇，災難降臨。
而一幕講到，因摩天大廈的大火超高溫，為防止大廈即時倒塌，需要排放水箱內的水降溫，電影公司為製造水浸大樓效果，於是動用 6部抽水機、 4部吊車，合共 100名工作人員，花 6日時間拍攝。而當災就係女主角孫藝珍，因為每次導演嗌 action，都有 5噸水撲向她，搞到她勁抱怨：「每次被幾噸水由頭淋到落腳，因為當時天氣好凍，真係凍到打冷顫，所以拍攝期間食好多嘢搞到肥晒。」不過《火》片於韓國勁受歡迎，而孫藝珍亦憑此片翻 hit，辛苦絕對值得！
金相慶同孫藝珍一齊逃生，但因金相慶不幸墮入升降機內，唔只險象橫生，仲搞到佢哋失散，睇到都戥佢哋心噏。
《火海 108》
留言列表
{{ article.title }}
