Beauty Hunt

師妹你好嘢　王梓如 Ayu　關莉莎 Asa

2013年01月23日 ~~ 第296期 Face

DaDa（陳靜）憑《低俗喜劇》由𡃁模變成演技派，同門師妹個個勁羨慕，同為經理人施念慈「 DaDa師妹」 Asa（關莉莎）及 Ayu（王梓如）亦食住師姐個勢，兩人以全新形象出道，希望照抄師姐成功路。
Asa& Ayu兩人身高三圍都一樣，所以被公司安排以孖妹檔示人，之後無論出騷、唱歌打碟都係二人行，做唔做到 DaDa成績未知，不過起碼叫有個新嘗試囉！




左起

王梓如 Aya
年齡： 21歲
身高： 163cm
三圍： 32、 23、 33　興趣：行街、唱歌、看電影
喜愛音樂：韓文歌、 G-Dragon〈 One of a Kind〉

關莉莎 Asa
年齡： 23歲
身高： 163cm
三圍： 32、 23、 33　興趣：跳舞、旅行、煮嘢食
喜愛音樂：快歌、 BIGBANG〈 Tonight〉 




Asa& Ayu與 Iris（鍾采羲）、 Celia.K（郭穎兒）等同門姊妹及《一路向西》的張建聲一齊拍微劇《女生公寓》，成班自己友，難怪兩人話拍得好開心。 

其實 Asa（ 21歲）& Ayu（ 23歲）唔算新人，不過之前同其他同門姊妹如 Iris（鍾采羲）和 Monna（林宜芝）等組成打碟組合《 Voodoo Girl》，主攻內地蒲場，大家應該見過都唔認得，如今兩人終於可以抽出變成二人組合，焦點自然集中好多。兩人自信說：「呢一年公司要我哋裝備自己，學唱歌、跳舞，仲學埋韓文。我哋在公司中資歷較淺，加上外形相似，所以公司將我哋兩個 group埋一齊發展，希望做到新 twins啦，想有當年阿 Sa、阿 Gil feel。之前我哋拍咗套微劇《女生公寓》，希望遲啲都可以有師姐 DaDa嘅成就，佢其實都只係大我哋一兩年，但佢好有大姐姐 feel，見面時都一定會過兩招畀我哋，教我哋好多嘢。」

Ayu愛拍戲


有「嫩版薛凱琪」稱號的 Ayu自稱拍戲好滿足：「我自己好鍾意 Fiona（薛凱琪），俾人咁叫我都好開心，細個有想過做空姐，自中學開始就做 model直到𠵱家，拍完套微電影後，愛上咗做戲，雖然我哋走青春路線，不過如果有好似《低俗喜劇》咁嘅劇本，都唔介意有少少性感嘅，真心希望可以好似 DaDa被人認同。」





Asa要跳舞




至於「縮水楊丞琳」 Asa，則話自己原來最愛跳舞，偶像係台灣舞姬蔡依林：「可能我畀人感覺嬌滴滴，所以似楊丞琳，而我自己就想似 Jolin（蔡依林）多啲，好似佢跳舞咁勁，好彩中學開始跳 jazz及現代舞，𠵱家學起上嚟都易上手，希望遲啲喺唱歌跳舞方面有一番作為啦！」 

採訪、撰文：魏紫嫦
攝影：葉曉明
化妝及髮型： Lilian、 Hazel、 Mak Tung
形象： Bryan@the Flaming
服裝： Snidel

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄