娛樂八掛大放送★

我得寵：張繼聰領養唐狗延續愛 


■張繼聰視領養回來的唐狗晶晶如女兒同樣愛錫。攝影：仇志德

最近雖然發生順天邨流浪貓女被虐致死慘劇，但香港普遍巿民對寵物愛護有加，對流浪的小動物亦樂意伸出同情之手，張繼聰一家亦身體力行，領養毫不起眼的唐狗女「晶晶」，讓牠成為家中的重要成員，愛惜如同親女。撰文：張俊銘

曾經歷親如家人的寵物離世，相信有這樣傷痛經歷的朋友也會深深體會，曾受這傷痛洗滌的張繼聰憶述，愛犬過身是很痛苦，需要時間平復，與寵物相處除需要學習，更要學到無條件地去愛，他說：「雖然小狗離開係好難受，我會將畀佢嘅愛，同其他寵物分享，囝囝曾經同離世嘅小狗相處過，我會畀囝囝知道小狗已經到一個好好嘅地方。」

得全家疼錫

為了將愛分享，張繼聰年前放下小狗離世的包袱，到愛護動物協會領養現時養的唐狗「晶晶」。張繼聰回想年多前，當日獨自先行到愛護動物協會，當時找不到合適的小狗領養，隨後兒子張瞻與家人到來時表示想找個妹妹，隨後看見囝囝與晶晶兩個「小朋友」紮紮跳，便決定帶晶晶回家，張繼聰說：「晶晶當時四、五個月大，佢本身已經俾人領養，但協會臨時收到電話話領養者取消領養，所以我翌日就帶咗晶晶返屋企，而晶晶個名係囝囝改嘅。」

【晶晶】
品種：唐狗
年齡：約2歲
性別：雌性
■一身白毛的晶晶性格溫馴，面對鏡頭影相也相當淡定。 

■張繼聰直指囝囝張瞻和愛犬晶晶相處融洽，晶晶更經常遷就他。資料圖片 

■張繼聰不時抽時間陪晶晶玩，牠亦十分聽話。

張繼聰續說：「晶晶係女仔，好乖巧，每隻狗都有佢自己嘅性格，佢好似一個可愛囡囡，好嗲，唔會搗蛋，又斯文，見到所有人都好熱情。」張繼聰望住乖乖坐在身旁的晶晶，一臉慈父樣子。他又表示晶晶在家中生活一年多，已經成為家中重要成員，不只是寵物，家中所有人都很疼錫牠。
張繼聰說：「經我觀察，晶晶遷就我個仔，多過囝囝遷就晶晶，個仔有時踩親佢條尾，有時男仔玩得肉緊，晶晶都好忍耐，不過囝囝當佢係妹妹，放學返屋企就會攬住佢，晶晶感受到愛，知道自己喺屋企嘅地位。」

驕傲做星爸

張繼聰又經常與晶晶一起跑步，有時作歌也先讓晶晶試聽，看牠有何反應。晶晶早前亦粉墨登場，在王菀之的新歌《生命之花》MV中演出，張繼聰說：「睇番啲片，好似阿爸睇番自己個女出鏡，囝囝呷醋問點解妹妹有得拍，佢冇得拍。」