上流滙
女權
臨近年尾喜事重重，社交圈亦鬼咁熱鬧。
繼霍啟剛與郭晶晶的世紀婚禮，上周六（ 17日），港龍創辦人曹光彪孫女曹穎惠與家族開金礦的柯義拉埋天窗，於西九海濱長廊搭建皇宮搞造價近億元的浮誇婚宴。整個「倒水」的童話式婚禮，全權由女方指揮，埋單當然由新郎負責。提到使費近億元，新郎哥拋下一句︰「 Not important!」
有錢果然大晒！
强勢夫婦
曹穎惠億元浮誇婚禮
每個女仔都有夢想婚禮，出身豪門的曹穎惠亦不例外。她與俄羅斯籍、家族開金礦的柯義拍拖 3年，上周六（ 17日），於西九海濱長廊搭建「克里姆林宮」，舉行童話式婚禮，豪擺千五人晚宴。單計兩星期的搭台拆景場地租金，已經近千萬，極盡奢華。據知浮誇婚禮由女方話事，除了找來法國製作公司打造皇宮，表演嘉賓亦由外國遠赴而來。場內布置一絲不苟，有沙皇年代風格的水晶吊燈，而款客餐具華麗，部分印有明朝青花瓷圖案，夠晒誇！新郎使咗成億只求贏得一晚榮耀，唔係個個富豪捨得！
6卡方鑽
新娘手上戴上 Ronald Abram六卡方形巨鑽晒命，而新郎就喺旁邊話︰「 Just a rock!」呢粒石掟死人！
馬車進場
除了婚禮門外有四匹馬及士兵列隊迎賓，一對新人更坐馬車進場，王子公主 feel嘅愛情故事，原來係可以用排場去印證！
綁架新娘
主人家請來著名的太陽劇團表演，除了以新人的愛情故事為劇目，還加插綁架遊戲，要新郎以贖金贖回新娘。真係救命！
千磅蛋糕
新人進場後，舉行切餅儀式，這個近千磅的俄羅斯傳統結婚蛋糕，由專人特製，夠分晒俾 1500位賓客食。但據知蛋糕最後都變成廚餘。
胡敏珊再黐密友
鐘錶界美女胡敏珊，與早年曾有中性打扮的鄧肇堅孫女鄧霓儀結伴出席社交場合，不過胡的手錶品牌 Toy Watch被鄧接手後，社交界就傳二人不和。當晚二人不避嫌孖住去飲，看來社交界真係冇永遠嘅敵人。
胡敏珊於微博大騷合照，當中鄧霓儀趷腳配合，擺明就晒胡的高度。而剛開微博的鄧霓儀，原來只關注胡敏珊同廖碧兒，可見二人地位舉足輕重。
邢嘉倩跟班男友
林青霞老公邢李 與前妻張天愛所生女兒邢嘉倩，同男友 Martin打得火熱，邢更公開帶男友見世面。不過她一見閃光燈，即時驚青獨自走人，搞到男方好尷尬，呆 咗！
榮文蔚女皇出巡
薛芷倫自得其樂
新人請來著名 DJ同歌手表演。婚宴結束後，賓客可移師到隔籬搭建的白色帳篷繼續隊酒。難怪 ball后薛芷倫一襲火紅晚裝谷胸現身，原來為了 after party。她說：「頭盤係魚子醬加伏特加 啫喱，大家食完頭盤已經 high high哋周圍玩，所有人都好開心，我自己都玩到凌晨四點幾先走！」
薛芷倫於婚宴滿場飛。飲到紅卜卜的她，捉實劉嘉玲合照。今年亞洲先生有邊位仔仔奪魁，佢一於懶理，自己 natural high。
謝玲玲仔女傍實
留言列表
{{ article.title }}
