孤獨煲粥
陳冠希當晚出席老死李璨琛婚禮，不過全程獨家村匿喺閣樓煲電話粥，人到心不到！
媽咪姐
陳冠希黑面神
娛圈婚禮浪接浪，繼盈盈樂樂後，上周六（ 17日），潮人李璨琛（ Sam）同時裝設計師女友梁志瑩喺北角海逸君綽酒店擺酒。當晚唔少圈中人到賀，包括 Eason同臣嫂、蔡一傑同張耀揚等，唔少人都成雙成對，媽咪姐睇見都覺得好幸福。
不過有人歡喜有人愁，曾 K.O.過唔少女嘅陳冠希，呢一晚形單隻影嚟飲，新歡 Ann全程唔見影，難怪佢成晚黑口黑面唔多老黎，仲周不時走出大堂煲電話粥。人哋話晒係喜慶事，陳生俾俾面好喎。
女伴換不完嘅 Edison，早前成功掂隔籬嘅長髮美眉。此女叫洪文安（ Ann），芳齡 22，本身係 Edison旗下潮店 Juice台灣分店嘅 sales。兩人拍拖 4個月左右，有指 Edison更視對方為結婚對象。
拒絕訪問
進場時，希哥見到傳媒，側側膊企圖掂行掂過，即使有記者主動訪問，佢都搵手擋實，心情似乎麻麻。
早前，賈曉晨同錢國偉拍 MV傳出緋聞，當晚兩人亦一齊離開，唔驚雙方伴侶嬲咩？
患癌嘅張達明未完全康復，瘦到火柴人一樣，仍撐住到場飲阿 Sam呢餐，認真唔話得。
當晚婚宴星光熠熠， Eason同太太徐濠縈亦有出席。難得係 Eason冇吹神上身亂噏嘢，全晚正正經經任人影。
全晚掛住煲粥，仲話兄弟喎！（設計對白）
黑口黑面，影衰埋我哋。（設計對白）
李璨琛上個禮拜六（ 17日）同拍拖兩年嘅圈外女友結婚。一對新人明年 1月先蜜月，至於生仔，佢哋話未有計劃喎。 
全站熱搜
留言列表
{{ article.title }}
