JJ女神歸位
賈曉晨（ JJ）早前喺《名媛望族》性感內衣登場，被指肥妹仔。如今台慶一露， JJ已回復昔日身材，宅男放心晒。
媽咪姐
兩個電視台 一個悶 一個又悶又
媽咪姐真係懷念舊時電視撈飯嘅日子。家下無綫啲劇毫無新意，做嚟做去又係嗰幾個人，一個字：悶！
前晚（ 19日）台慶仲離譜，跳舞唱歌趣劇，統統同上年倒模一樣。班主持仲要懶煽情，問得獎藝員：喺無綫做咗幾耐呀？對無綫感覺係點呀？咁打得你份工嘅，個個都逼住講「真心話」㗎啦！呢種企圖營造和諧，全台上下一心嘅「假大空」現象，搵鬼信咩！
台慶雖然悶爆，好在班女藝人個個打扮得花枝招展，波濤洶湧，悶中至少帶一點甜吖。
思歪班子要靠女人， TVB都一樣，香港女人能頂何止半個天呀！
高海寧胸前本色
講胸，又點少得高海寧（高 Ling）。當晚佢履行咪神職責，充分發揮胸前本色。
風光一夜，周三（ 21日）高 Ling突然開記招。原來有報道指佢獲無綫新老闆陳國強關照，高 Ling聲淚俱下否認傳聞，重申從未接觸過新老闆。清者自清，你就咪咁激動啦。
思琦四奶出擊
思琦妹生完 B，奶氣未退，一件黃色晚裝谷起雙峰，不過明明係雙峰。點解望落似四個胸？
唐詩詠有深坑
平日衣着保守嘅唐詩詠，原來唔嘢少。 3吋深坑，走唔甩。
朱晨麗搶峰頭
朱晨麗獲無綫力捧，梗係要食住上搶「峰頭」，效果絕對不比乜乜女神差。
陳庭欣 1字波
人字波、八字波、 Y形胸大家都睇過，今次陳庭欣就示範何謂 1字波。你睇下佢條事業線直到似 1字，就知點解啦。
伍姑娘出股惑
人人露胸，伍詠薇就另類出位，以一件大露背上陣，股罅仲若隱若現，正呀！
無綫唔爭氣，亞視更加唔使講。為反對增發免費電視牌照，亞視先總動員喺政總抗議，被譏為「亞視爛騷」；後來喺《微播天下》開闢新環節「維基解密」，數臭對頭人王維基，被指公器私用。
點知一波未平一波又起。周一（ 19日）出爐亞洲先生冠軍朱曉輝喺羅湖關口，被揭逾期留港而遭到入境處扣查。亞視知衰，搵埋三個證件過期嘅參賽者，親身去入境處自首，即時遣返內地。
雖然事傳千里，但亞視無你咁好氣，周二（ 20日）仍喺深圳進行台慶拜神儀式。咦，之前唔係慶祝咗啦咩？係呀，媽咪姐統計過，亞視今年已經搞咗兩次台慶。
當日全台人再出動，「亞視四大小生」之一嘅陳庭威「蠟」行塊面，以雞蛋咁滑嘅皮膚現身。馮寶寶更着住古裝，邊大笑邊繞場亂舞，睇到人人滴晒汗。
馮寶寶一襲妖艷紅色古裝，配埋烈焰紅唇，造型恍如厲鬼。佢仲要一邊喪笑一邊跳舞，重口味到呢！
「亞視四大小生」（左起）潘志文、陳庭威、江華、林韋辰將於台慶晚攜手唱經典金曲。雖然四子資歷有番咁上下，不過陳庭威塊面一條表情紋都冇，防腐一流。
亞洲先生冠軍朱曉輝因逾期留港一星期，於羅湖關口遭扣查。事件已交入境處處理，並要求多名亞視職員提供資料。
朱曉輝出事後，另 3名逾期留港嘅參賽者由亞視人員陪同，於周二（ 20日）到入境處自首，之後再被遣返深圳。《蘋果日報》圖片
留言列表
{{ article.title }}
