阿 Sa當晚孖住阿嬌到場，被問到會唔會咀 William時，佢就話：「私底下先咀！唔會做騷畀你哋睇囉！」

阿 Sa喺今日（ 22日）先 29歲生日，但星期日晚已經喺中環安慶臺嘅 Club Shake Shake搞生日 P預祝生日，其實個生日 P係阿 Sa同 William一齊慶祝，事關 William比阿 Sa早一日 26歲生日。

嗱，平時阿 Sa同 William經常黐埋一齊晒幸福，當晚卻特別避忌， FBI所見 William單拖先到會場；之後阿 Sa就孖住好姊妹阿嬌現身，問到阿 Sa送乜禮物畀男友，佢就話：「總之着得上身，衫褲之類。」但當 FBI再問佢會唔會同 William啜嘴影相時，阿 Sa突然怕醜妹上身：「唔好啦，好似做騷咁！」之後仲以要同老闆楊受成打招呼為由鬆人。唔公開咀啫，返屋企大把機會啦！



而阿 Sa嘅朋友更特別訂製一個「大 S」蛋糕給她。

早到嘅 William被問到幾時同阿 Sa慶生，佢就話：「星期二（阿 Sa正日生日）夜晚大家都有嘢做，我諗冇時間，惟有食午餐慶祝。」既然大家咁難先慶祝到，好心就爭取時間一齊到場啦！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄