So Comment

抵食越式小店　 NOODLEMI（甲）

2012年11月23日 ~~ 第904期飲食男女

SONG？
老闆娘十年前曾在荷李活道開過一間叫 SONG的高檔越南店。十年後又再出山，在上環開一間平民化的越南店。雖然未試過高檔的 SONG，但已想像到失敗的原因，誰人要付很多錢去食越南或泰國菜呢？今回平民化肯定啱。入店得 7張小枱，冇得訂位！

老闆娘

叫 DuYen（ Slient"D"），細細粒很勤奮地在廚房工作。個廚房好細，包括洗碗有五人轉來轉去，真係要話轉來轉去， A去了 B位， B就要去 C位，因為空間實在不多，但睇落大家好似好有默契好 organized，一定要看看她的水 Bar！哈哈！你屋企個雪櫃都大過佢個水 Bar！
老闆娘嘅大志係再喺香港開多幾間店，然後就 go international，去 London、 NY、 Paris……！

食物……平、靚、正！

雞春卷$48，唔錯，炸得脆而不油。
軟殼蟹卷$65，如果我自己食，我會 prefer蝦卷。
雞湯河$55，牛肉湯河$55，紮肉湯檬$55：湯底係越南粉嘅靈魂，做得好好。用 7-8小時煲，濃得來不肥膩，不濁色，菊花火先至煲得出這樣的湯底，時間加心機！朋友食完河粉再另叫一碗湯嚟飲！
豬頸肉撈檬粉$55，豬頸肉燒得好味道，可惜少了一點，大餸的朋友又 encore一碟淨豬頸肉！
我的最欣賞乃係咖喱雞$72（牛肉可能更好食！）我唔食辣嘢都覺得好正！咖喱唔椰，用法包蘸汁，超正！碗咖喱又多 carrots and potatoes！
我哋 5個人晚飯仲食埋甜品，才$658，仲要 encore完又 encore，真抵，最重要係好食吖嘛！ Lunch爆到飛起，在晚飯期間，有好多外賣，外賣盒又靚，到晚上十點仍不停有人入嚟食粉。今次相信老闆娘可以夢想成真！

軟殼蟹卷

雞春卷

咖喱雞

雞湯河

牛肉湯河

豬頸肉檬粉