我好大壓力呀!(真實對白)

滾熱辣

硬谷朱晨麗 《名媛》亂剪辣㷫江美儀

2012年11月23日 ~~ 第904期 忽然1周

台慶劇《名媛望族》愈播愈插,上周平均收視只得 28點。網友一來嫌劉松仁與四位姨太的情慾戲重口味,二來大彈朱晨麗演技令人反胃。無綫為硬谷朱晨麗上位,於是犧牲韓馬利、陳玉蓮和江美儀,將她們戲份剪到上文不接下理。近日飽受男友吳君祥偷食傳聞困擾的江美儀,對於自己戲份愈剪愈少,當堂無名火起。她說:「真係痛過切自己忽肉,希望唔好再 cut。」

無綫日前公布台慶頒獎禮提名名單,《名》劇中專挑撥離間的三姨太江美儀,大熱提名「最佳女配角」。演技得民心,但上周五( 16日)播出的第 20集中,觀眾屏息以待江美儀着絲襪誘惑劉松仁的情慾戲竟然被剪,刪剩得番半分鐘,惹起網友公憤。


網友鬧爆
首度拍劇的朱晨麗,於《名》劇中不停苦口苦面,被網友狠批,但話晒係新人,非戰之罪。


痛過切我忽肉!(真實對白)
40集的《名媛望族》剪到支離破碎,令好戲之人江美儀嬲爆。而有指獲優待保戲份的朱晨麗則呻爆壓力大。今次無綫真係愛你變成害你。

照 cut韓馬利咆哮戲


因為劉松仁和楊怡咬唇一幕,《名》劇就被網友裁定情節重口味。監製莊偉建為塞住網友把口,於是剪走所謂重口味的戲份。周二( 20日),身在英國拍攝《衝上雲霄 2》的江美儀,卻對於這場情慾戲被剪,亦大呼無奈,肉緊地說:「乜你哋唔係話重口味咩?唔係話睇到嘔咩?監製冇講我知,但我會尊重佢決定。被剪走嗰場係我除咗件睡袍,着住 JJ(賈曉晨)嗰件性感內衣攬住松哥。當日拍得好辛苦,依家 cut咗真係心痛,痛過切自己忽肉。之後我仲有好多戲,希望唔好再 cut啦!」
不過監製除剪走江美儀這場重頭戲外,原來劉松仁蜻蜓點水式錫陳玉蓮手背,甚至韓馬利的一場文戲,都統統被斬。周二( 20日),記者致電韓馬利,她說:「真係好可惜,依家剪到一忽忽囉!其實有幾重口味啫!以前啲女人係咁㗎啦!嗰場我仲係文戲嚟!」

刪剪片段




韓馬利咆哮
劉松仁扶起韓馬利後,韓一邊由樓梯行去大廳,一邊對住楊怡等人說:「我係屋企最大,呢度我話晒事」,有成兩分鐘對白。可惜 cut咗,嘥晒!


江美儀發姣
望再得寵的江美儀,着住內衣加睡袍,於大屋樓梯色誘劉松仁。之後二人齊齊上房,江更主動剝衫。女性力爭上游啫!唔覺重口味喎!


錫陳玉蓮手
劉松仁為求再獲摯愛陳玉蓮歡心,主動向陳咀嘴。奈何陳唔領情,用手撐住劉。監製落呢把刀,看來唔關重口味事,只嫌劇情老套。

監製:心痛都冇辦法


監製莊偉建稱遵從網友意願,才落刀剪走江美儀戲份。他說:「依家又唔係睇四仔,等觀眾有啲幻想空間囉!」

文戲都照被刪,擺明唔關重口味事,原來案中有案。外間一致認為朱晨麗於《名》劇中演技幼嫩,而且講對白時鄉音極重,監製曾考慮過不如剪朱晨麗戲份。知情人士說:「拍嗰陣都知佢(朱晨麗)啲戲麻麻,要 cut都 cut咗佢先。但上頭落令要捧佢,情願唔要一啲老戲骨,都要保住朱晨麗。」對於自己戲份被保,朱晨麗說:「哎吔!唔好咁講啦!我都唔知邊啲 cut,邊啲冇 cut。其實套劇啱啱播,我知好多人彈我,試過匿埋喊咗好多次,我都好大壓力㗎!」
雖然無綫擺明硬谷朱晨麗,搞到《名》劇最終剪到支離破碎,慘成犧牲品的江美儀和韓馬利反而冇嬲,更齊齊幫口撐朱晨麗。江美儀說:「每個人都總有新人嘅時候,大家唔好咁快下判斷住。」而韓馬利則說:「朱晨麗啲戲好重,多過晒我哋咁多個姨太。雖然佢啲發音唔正,但好俾心機學。導演唔俾佢用眼藥水,佢都喊得出!(不過佢啲戲冇被剪?)我都唔知點講喇!」
剪戲搞到滿城風雨,監製莊偉建說:「我冇同班演員講㗎!佢哋心痛都冇辦法。我都好心痛。」看來有難言之隱。 

翻睇重口味


網友向來思想開放,但眼見《名》劇經常出現 63歲的劉松仁輪流攬啜四位姨太,就不停狂踩情節重口味。回顧播過的《名》劇,所謂重口味的場口,只是男女間的情慾戲,並非暴力血腥!


咬唇頂鼻
這張相再三回味唔嫌多。楊怡咬住劉松仁嘴唇,當然戥劉肉痛,但楊的「木偶鼻」才是相中靈魂。


托胸出場
賈曉晨( JJ)上周於《名》劇中齋着住束胸內衣現身,托出澎湃雙峰。觀眾晚飯時段睇到,連血帶飯噴出。


絲襪誘惑
江美儀於初期已着過吊帶絲襪搞掂劉松仁,二人更大跳貼身舞,當時就有網友話頂唔順喎!

戲服循環再用


一班眼利的網友發現《名》劇各姨太的戲服,原來一早在之前的劇集出現過。好聽叫環保,唔好聽就叫慳皮。

海味着過




無綫以為觀眾唔記得,於是就攞咗周海媚 09年在《蔡鍔與小鳳仙》中,一件旗袍俾陳玉蓮翻着。 

雯女經典




2010年,《義海豪情》創下 47點收視,鄧萃雯嗰個 look都算經典,不過無綫照夠薑搵俾江美儀翻着。 

年着兩劇




姚子羚在去年底的《我的如意狼君》中,着過的一件白色絨褸。事隔唔夠一年,無綫已要循環俾楊怡着,環保。 

採訪、撰文:娛樂組
攝影:攝影組

arrow
arrow
    全站熱搜

    tvb4life 發表在 痞客邦 留言(0) 人氣()