17/11殘爆返港31歲陳冠希一出機場愁眉苦臉叼住煙仔,眼袋更大得交關,昔日不可一世的靚仔風頭躉光采不再。

冇錯!又係陳冠希、張栢芝同謝霆鋒!
三年前爆完淫照,陳冠希疑似勾人妻,三年後機艙破冰,再到霆鋒跟栢芝 5年婚姻破裂。上週,三位再在上海聚首,霆鋒、栢芝被困同一影城趕戲,陳冠希週末趕及夜場登台,寃家路窄。
栢芝賠了婚姻,失婚復出後又淪為票房毒藥;「聖育強」 Edison就衰 喺 16歲學生妹 Cammi手上、得罪老闆岳少自斷米路,呢筆風流賬,兩位有排還。

08年曾經痛心疾首認錯,三年後再食 16歲模 Cammi,事實證明陳冠希又係空口講白話。今次女方疑似放料上位,不過 Edison食得唔好嘥、假悔過真雜食本性盡露,連曾硬撐的老闆林建岳都棄暗投明停止科水,搞到 31歲殘爆 Edison要去廣州夜店賣唱。又會咁蹺,上週六飛抵上海賣唱,撞 啱舊情人張栢芝、舊兄弟謝霆鋒在當地拍戲。



上週六凌晨在廣州夜店賣唱,即日再搭夜機抵達上海, 12點才到 iclub,連 rap 5首歌,第二朝又要出席長跑活動,搵辛苦錢。

被女圍在香港形象誠信皆掃地,陳冠希只有在夜場才能重溫被女瘋狂包圍。

踎酒吧飛到上海前一晚, Edison才在廣州夜店唱到凌晨,難怪眼袋出晒嚟。《蘋果日報》圖片

保持距離

5月鬧婚變, 8月正式各行各路,霆鋒、栢芝分別重投劇組,專心工作。始終是同行,本月霆鋒的《消失的子彈》與栢芝的《危險關係》竟然同在上海車墩影視基地進行拍攝。全民等睇過氣夫婦上演重聚好戲,霆鋒助手一到 埗即發微博,話明連拍七晚通宵戲,換言之私人時間所剩無幾;《危險關係》連場夜總會群戲轉到市區內的浦江飯店宴會廳拍攝,栢芝亦索性投宿位於浦東的松江開元酒店,刻意與前夫相隔個多小時車程,眼不見為乾淨。



栢芝 2片仆直栢芝為避霆鋒從車墩轉住市區酒店,霆鋒就通過助手表哥發微博,話要連拍七日通頂,暗示不會相見。

寃家上海撞正


霆鋒密賺18日凌晨,栢芝在市區拍歌女戲,霆鋒就在車墩影城內拍攝連場追逐戲,連晚勞碌,面無表情。

淫希頻撲

一對五年夫妻搞到今時今日,離婚後巧合地同在上海拍戲,又會咁好彩,撞 啱陳冠希一連兩日在上海有活動。搭上 16歲 Cammi後誠信破產,連老闆林建岳都得罪埋,曾經高竇又揀擇不輕易出席娛樂活動的 Edison突然猴擒,將表演工作北移外,還自動降呢在夜店登台。
上週六( 19日)凌晨, Edison到廣州夜場 rap歌,盛惠每位 300大元入場費。 Edison再頻頻撲撲,於當晚飛到上海 iclub rap足五首歌,原來觀眾只要在其潮店消費滿 3000元即可贈兩張門票。谷底 Edison為 咗最後一條潮店財路可謂爆頭,難得場內大把北方佳麗見到佢副尊容、掂到隻手指尾,都高潮迭起暈晒大浪,唔通貪 Edison本相簿厚?



曾經陪伴度過最艱難日子、 Edison又話過非楊永晴( Vincy)不娶,可惜二人的 5年情還是因為男方花心分手收場。

當晚夜總會戲分不見與栢芝屢傳不和的章子怡,只有叼住煙的張東健同場。

票房唔掂

復出養仔的栢芝雖然號稱以 4億天價簽約新經理人公司、片酬暴漲至 1,500萬,復出後的首部電影《無價之寶》香港只收 200萬票房,內地就收 2千多萬「人仔」。而剛在港上畫的《楊門女將之軍令如山》首日在港票房慘收 4萬,而內地 3日收 2千多萬,成績一般。連一向睇起佢的王晶被問到愛將累票房都口窒窒:「呢啲嘢唔好問我,我唔識答。」



《無價之寶》香港:$200萬大陸:¥ 2,000萬

《楊門女將》香港:$4萬( 1日)大陸:¥ 2,000萬( 3日)

新女登場?

上週四( 17日),本刊在香港機場發現由司機機兼助手龍哥接手推行李的 Edison,竟然與前南華會主席盧潤森女兒盧恬兒前後腳由洛杉磯返港。據知情人士透露,盧恬兒與陳冠希在國泰商務機艙內座位一頭一尾,雖然同機,但由始至終冇交流,絕對唔會似半年前 Edison同栢芝一樣,一班機成千古恨。



撞喼

盧恬兒與丁子高、林忠豪都傳過緋聞,不過最出名的公認男友則是 02年間拍拖、 06年再傳翻嗒嘅霍英東長孫霍啟剛。《蘋果日報》圖片

arrow
arrow
    全站熱搜

    stacylife 發表在 痞客邦 留言(0) 人氣()