陳嘉桓報警告陳浩民馬德鐘　陳嘉桓機場痛哭 Face 週刊 235期 @ 娛樂八掛大放送★

21/11 17:30杭州蒙面急飛聽到本刊問她「覺唔覺受屈辱？」， Rose忽然崩潰，更用手掩面痛哭，身邊的助手唔知點安慰，惟有企定定陪 Rose繼續 check-in。

剛過 19歲生日的陳嘉桓（ Rose）一向係純女，唔煙唔酒唔蒲淨係玩詠春，加上甜到漏笑容及 43吋長腿，成功進佔女神地位。
最近在橫店拍戲的 Rose，上週六（ 19日）收工後與一班香港前輩食飯，諗住他鄉遇故知，點知撞着陳浩民同馬德鐘兩個猴擒已婚男，當晚慘被箍頸強吻上下其手，事後陳浩民竟然狡辯冇抽水，仲話自己冇帶眼識人，暗示有人設局陷害。
賤男完唱， Rose週一搭飛機返香港，被問到是否受辱時忍唔住掩面痛哭，更決定報警解決。兩位已婚男，大把手尾！

原本正在橫店拍攝王晶新片《笑功震武林》的陳嘉桓，週一（ 21日）下午由橫店坐車到杭州蕭山機場，搭夜機返港為週二的記者會準備。受盡屈辱的陳嘉桓戴了黑超和口罩、將自己由頭包到腳，極怕被人認出，更只有一位內地助手同行。

覺唔覺受屈辱？真實對白Rose唔肯除低黑超影相，但仍相當有禮貌表示唔回應問題。

21/11　 21:30合十抵港Rose返抵香港機場時由經理人及助手陪同，現場更有幾名大漢圍住記者，記者完全埋唔到身。

忽然掩面

新戲反串事發前，陳嘉桓仍然有心情上載拍戲情況，但出事後已經冇再 update微博。

本刊獨家拍得 Rose蒙面包冚急飛返港， Rose見到記者顯得相當愕然，對於本刊所有提問全不回應，只答了一句：「我暫時唔會答任何問題！」然後即 9秒 9跑去櫃位 check in。
辦登機手續期間，記者問 Rose有否覺得受屈辱， Rose忽然用手掩面痛哭，狀甚傷心，數秒後才平復心情。由到達機場到行入禁區唔夠 10分鐘，心事重重的 Rose只顧衝入禁區避記者，拎漏了頸枕亦懵然不知，最後要助手嗌佢返轉頭。

3劇 1圍枱

《大武當》
《笑功震武林》
《藍蝶之謎》
與洪天明一齊拍戲的陳嘉桓，原本諗住同橫店的「香港幫」食飯聯誼，點知食出事。兩位主角馬德鐘及陳浩民至截稿前仍未回覆本刊。

店員避談

本刊到案發現場「江湖燒烤」詢問當晚情況，但店員非常避忌，不停話「我們什麼都不知道！」

鐵定報警

19歲女慘被兩個鹹濕前輩凌辱，據知 Rose及其老闆兼詠春師傅冼國林非常憤怒，上週六晚（ 19日）事發後已即時商量對策。由於事態嚴重，公司急召人在橫店的 Rose返港開記招交代事件，同時亦決定報警，絕不手軟。
「出事後 Rose即刻打番香港，佢喺電話度好激動，喊晒話好唔開心，當時佢情緒應該唔係幾穩定，要慢慢問佢究竟發生咗咩事！」知情人士透露。對住廿歲未夠的小妹妹箍頸強吻夾硬嚟，邊個受得住！

王晶「聽過呢件事，但唔太清楚，應該係 Rose放工後同其他劇組嘅人食飯，同我哋套戲冇關，不過呢幾日冇佢嘅戲分，佢返香港冇問題！」
王晶「聽過呢件事，但唔太清楚，應該係 Rose放工後同其他劇組嘅人食飯，同我哋套戲冇關，不過呢幾日冇佢嘅戲分，佢返香港冇問題！」
洪天明女友周家蔚「天明嗰晚 9點幾有搵過我，佢話當時已經好醉，之後我做完台慶就搵唔到佢，可能已經醉咗！我有叫佢唔好玩太癲，男仔女仔都應該要保持清醒！」
洪天明女友周家蔚「天明嗰晚 9點幾有搵過我，佢話當時已經好醉，之後我做完台慶就搵唔到佢，可能已經醉咗！我有叫佢唔好玩太癲，男仔女仔都應該要保持清醒！」