Monna34E「混血 E神」 Monna，今次單飛出個人雙週曆，嚴陣以待出動私伙落重本，仲出埋自己瞓開嘅大床做場景，務求引班宅男幻想瞓喺佢隔籬。
書戰寫真胸戰後，唔少模潛晒水，剩番寸嘴 Jeana（何佩瑜）忙做舞台劇《偷窺》，而 DaDa（陳靜）拍完《喜愛夜蒲》後就主攻電影，數到呢期人氣最勁係 16歲集郵女 Cammi（謝芷蕙），孖師姐 Donut同 Fantasy大堆頭出月曆，不過 Cammi僅騷長腿，齋睇「鬥牛㹴 Nel Nel」睇得多都厭。
好在曾拍住爆乳超蓮 Iris（鍾采羲）出寫真嘅 DaDa混血師妹 Monna（林宜芝），趁勢單飛推出個人雙週曆，拋胸標尾會。 Monna話：「今年我會出晒私伙，貼埋大床嚟影。」床照都出埋，唔通想同 Cammi爭版位？
24歲中德混血模 Monna（林宜芝），年頭挾住 DaDa（陳靜）師妹之名出道，之前孖住同樣 34E的 Iris（鍾采羲）組成「孖妹 E模」，寫真戰後轉戰打碟做 DJ模，不過近排卻發現入院大修，原來入廠前， Monna冒住半邊身癱的危險都要秘密影 2012年雙週曆。
富貴 Monna透露今次雙週曆在香港取景，有遊艇和郊外地方外，仲出動埋佢月租 4萬幾嘅凱旋門過千呎海景單位，貼埋自己間屋同大床嚟影，真係唔話得！
硬撼 Cammi月曆前排成為陳冠希新慾照女嘅 Cammi，紅咗兩個星期就出月曆，時間超夾喎！
入行前 DaDa（右）同 Monna（左）已經係好姊妹，今年仲做埋 DaDa師妹做乳模。
大晒珠寶Monna今次嘅雙週月曆，有 26張相，其中呢個晚裝造型玩貴婦 feel，而圖中手戴嘅黑色寶石戒指，就係佢特登問朋友借番嚟嘅百萬戒指。
插針上微博Monna早前感冒令到細菌入神經線，而導致半身麻痺，搞到要入醫院插晒針，真係我見猶憐呀！
半身麻痺
除咗私竇及百萬珠寶， Monna仲問朋友借埋遊艇，着晒泳衣晒大奶， 34E咁好身材，點都要晒吓嘅！
年尾單飛出雙週曆的 Monna話：「今次我哋影咗三十幾個造型，以泳裝、晚裝及內衣為主，因為自己近排身體好差，所以放棄咗去外地取景，我之前去澳洲（ 10月頭）打碟嗰陣，試過無端端隻腳冇晒力，成個人失重心仆低咗 3次，之後返香港 body check，先知係感冒菌入咗神經線，手腳會突然間冇知覺同冇力；但係個雙週曆趕住印，所以要頂硬上，拍攝最後 2日，左邊身仲半身麻痺，搞到着鞋同綁鞋帶都要搵人幫，影完之後都要即刻入醫院接受治療，瞓咗三日醫院，家要慢慢休養半年。」
過百萬私伙
拍攝雙週曆最後 2日， Monna話左邊身麻痺，要搵人幫佢着鞋綁鞋帶，不過好彩 Monna夠專業，半癱情況下擺起 pose都唔生硬。
其實 Monna之前孖吉澤明步拍完《蜜桃成熟時 33D》，之後主力在香港同內地拍住 Iris打碟同做活動嘉賓，加埋每個月都有近十萬收入，不過對 Monna都係濕濕碎，連影雙週曆都出動私伙遊艇同過百萬珠寶。
Monna豪氣話：「今次我問朋友借咗架遊艇影泳衣相，因為有幾個晚裝造型，所以我特登問朋友借咗幾套珠寶，其中一隻黑色寶石戒指仲過百萬，我戴完後都即刻收番埋驚唔見。」今年只得 Donut加 Fantasy同佢鬥， Monna條 4吋事業線都夾死逃學 Cammi啦！
癱住銀
自稱學「股神港姐」葉翠翠炒股致富嘅 Monna，出道至今成日孖住家住淺水灣獨立屋、比她更有米嘅 E cup超蓮 Iris齊齊搵銀，就算月前神經線入菌，冒住半邊身癱瘓嘅危險都要繼續銀，出席香港和國內活動，收 2至 3萬，月入都有過 10萬。
電影《蜜桃成熟時 33D》
約 10萬
夜店打碟
每場約 2至 3萬（每月約 4次）
DaDa做粗口女星
由彭浩翔執導、杜汶澤監製，剛開拍嘅電影《低俗喜劇》，電影以低俗及勁講粗口為主，彭杜二人以呢套電影捍衞本地廣東話文化，所以心知冇可能打入內地市場，喺本港亦列作 3級，不過第一次拍 3級片嘅鄭中基及 DaDa（陳靜）都力撐。 DaDa：「其實上個禮拜我都係開咗一日工，戲中我飾演失婚杜汶澤嘅女友，同做佢個女個後母，第一日我未需要講粗口，不過之後就要講，（唔怕標籤做三級女星？）為咗套戲尷尬啲，犧牲吓都要㗎！」
杜汶澤（左）監製癮冇停過，新戲《低》片仲搵埋同係攝影發燒友嘅鄭中基（右），二人攞正牌大鬥粗口。
鄭中基都撐
留言列表
{{ article.title }}
