左起
大賢 19歲主音
鐘業 17歲副主唱
Zelo 16歲 Rapper
容國 22歲 Leader＆ Rapper（隊長）
力燦 22歲副主唱
永才 18歲主音
喺台上表現狂野嘅B.A.P.，有人形容佢哋係 Big Bang第二，亦有人叫佢哋做「 Today rookie group」。
亞熱帶
韓流風暴 B.A.P.
韓流席捲全球，新人湧現，單係今年，就似香港開六合彩咁，一星期就有兩隊新組合出現，真係花多眼亂。新組合之中，本來 孭住 Superjunior師弟之名嘅 EXO-K氣勢最勁，點知下半年，竟然俾 B.A.P.迎頭趕上。
B.A.P.由 6個仔組成，走 嘅係街頭 hip-hop少年風，好有 Big Bang feel。由年頭出道到 9月，已經出 咗 3張細碟、兩張 EP，榮升韓國新人王。 嚟緊 30號 喺香港會展舉行 嘅 MAMA頒獎禮， B.A.P.同死敵 EXO-K爭奪「最佳男子新人獎」，奪魁更被睇高一線。
B.A.P.
（ Best、 Absolute、 Perfect）係女子組合 Secret嘅師弟，由 6個平均年齡 19歲 嘅嫩口男組成，被視為上位中 嘅 EXO-K最大勁敵。事實上兩隊所走路線完全唔同， EXO-K 12個成員都係青靚白淨純跳舞組合，反之 B.A.P.走 嘅路線較為粗獷，以 rock加 hip-hop為主， 6個成員，形象街頭，所以又有人形容佢 哋係「礦工團」。
老實講， B.A.P. 6個花，雖講唔上靚仔，但勝在夠嫩兼個個 rap得、唱得又跳得，引到啲泡菜妹口水流。佢 哋 喺韓國本土大成功後， 嚟緊仲話要攻日，到時又輪到蘿蔔妹一地口水。
一般組合成員 喺台上唱歌跳舞，好齊好夾，但舞台下卻鬥到出面。就講 B.A.P. 6個人之中，主唱大賢同隊長容國拗撬最多，皆因兩個人氣不相伯仲。容國比較麻煩，以為自己人氣最高兼係隊長，就頤指氣使，成日點 啲，隊員唔多 like佢。大賢脾氣比較硬，好多時睇唔過眼，對容國「一言九頂」，有時嘈到連經紀人都冇符。唉，依家韓國新組合真係多過乜，呢班仔應該乖乖 哋齊心抗敵啦。
隊長容國（左）實力比其他成員好，所以人氣好高，但大賢（右）俾粉絲公認最靚仔，人氣比容國更勁。一山不能藏二虎，有乜法子冇爭拗？
早兩個星期前，成員一齊送鐘業（左三）參加高校考試，因為考全日，鐘業要拎定便當。
錄戶外節目係佢哋視為天大喜事，事關日日趕行程，絕少機會可以咁放鬆。
新人潮
今屆 MAMA頒獎禮，「最佳男子新人」可謂爭得最激烈。除 B.A.P.及 EXO-K外，黑馬仲有三人搖滾組合 Busker Busker及 Solo歌手 John Park等都會隨時跑出。
大熱
EXO-K
次熱
Busker Busker
黑馬
John Park
留言列表
{{ article.title }}
