媽咪姐
湯盈盈加料波鞋牙煙
上個禮拜，唔少藝人搞婚宴，最哄動當然係禮拜四（ 15日），盈盈樂樂喺洲際酒店筵開 55圍招待親友。由於湯盈盈佗住 5個月蛇 B，當晚換上白波鞋上陣，不過望真啲，原來盈盈對波鞋都有啲蠱惑，同大肚姊妹周家蔚一樣揀着 3吋厚底波鞋 boot，上落樓梯都好牙煙，好在佢哋行到邊都有人貼身侍候，先至冇驚險場面咋。
驚嘅唔止兩位大肚婆，現場唔少女賓客都嚇親媽咪姐，好似已為人母嘅孟瑤同劉小慧似着住條睡裙嚟飲。至於做婚宴司儀嘅小儀，以高髻頭配黑色短裙加七彩長襪，打扮奇特，媽咪姐真係唔識欣賞囉！
新娘湯盈盈同好姊妹周家蔚個肚籮咁大，所以當日着平底波鞋都好合理，不過原來波鞋本身都成 3吋厚，行步路都一步一驚心，大肚婆果然愛靚唔愛命。
大肚婆論盡，錢嘉樂當日見盈盈落樓梯，都第一時間護實老婆個肚。
劉小慧同囡囡、老公蘇志威一家三口到場，小慧當晚着呢條湖水綠連身裙已經似睡袍，加埋入場前一陣怪風，媽咪姐見到都有啲驚驚哋。
蘇 boss同劉小慧高興飲宴，玩到半夜至走人，搞到囡囡喺旁邊扭眼瞓。
40有幾嘅小儀，鴛鴦襪襯波鞋，十足十一個超齡啦啦隊員！
做咗人阿媽嘅孟瑤，當晚着力賣心口，不過佢化到塊面雪咁白，同條頸兩截色，加上膠面唔多點郁，去哈囉喂好似適合啲喎！
全站熱搜
留言列表
{{ article.title }}
