當晚楊政龍（小圖）同倪晨曦原本雞啄唔斷鬼咁好傾，但發現 FBI後，即時提高警覺，最後仲獨自先行走人。
楊受成二太子 25歲楊政龍，雖然係富二代，但一直作風低調，甚少緋聞。不過前週三， FBI喺銅鑼灣鬧市撞到嵋家喺英皇做緊行政主任嘅二少爺，當時身穿短褲加風褸甚為平民 feel嘅佢，同埋個化行妝嘅靚女行埋一齊， FBI睇真啲，原來呢個靚女就係上年爆出同黃宗澤有段情嘅 05年多倫多華裔小姐冠軍倪晨曦（ Elva），原本 2人喺 Starbucks飲咖啡鬼咁好傾，但發現 FBI影相後， Elva即閃身走人，而楊政龍就 call男性朋友去網吧打機，表現避忌
上週六， FBI喺 TVB台慶撞到 Bosco（黃宗澤），第一時間問佢點睇「前度」搭上富二代啦，不過佢反應冷淡，仲黑晒面：「無聊，唔回應！」都啱嘅，無謂返到屋企要跪玻璃啦！
一向幫老豆楊受成打理開生意嘅楊政龍，當晚於 Starbucks一路飲咖啡、一路同倪晨曦傾生意經，而倪晨曦亦聽得好入神。
倪晨曦走後，楊政龍就 call多兩個男性友人，一齊上附近網吧 hea時間，太子爺其實好平民。
上年爆出 Bosco於 08年尾到加拿大登台時曾狂追當時已是多倫多華裔小姐冠軍嘅倪晨曦，有傳 Bosco飲大兩杯合照時仲咀嘴狼吻。
無聊！（真實對白）上週六台慶當晚， FBI直問 Bosco其前度倪晨曦撻着有米楊政龍時， Bosco即唔老黎話：「無聊！」仲瞪行雙眼勁啤 FBI。
全站熱搜
留言列表
{{ article.title }}
