娛樂八掛大放送★

苟芸慧明顯瘦咗，話佢減肥去搣脂都合理，但通淋巴通到瘀晒就認真離奇！

眨吓眼， TVB已經 44歲生日，上週六（ 19日） TVB台慶日， FBI都有踩入無綫趁吓。

老實講今年台慶，除咗「福祿壽」三隻嘢濕身又激凸去扮港男演出比較有睇頭外，其餘節目都鬼咁悶，所以 FBI寧願留喺後台，睇吓啲觀眾睇唔到嘅風光好過。難得一年一度， TVB無論班阿姐同姐仔好似胡杏兒又或者高海寧等都把握機會，有咁性感得咁性感搶鏡，連等緊上位嘅苟芸慧都唔執輸，着住紅色 deep V晚裝晒身材搶鏡。
不過 FBI喺後台見到苟手臂同背脊出現一笪笪瘀痕，問佢點解，身邊經理人即黑面拉住佢走話：「佢減肥囉！」 FBI心諗減肥都會瘀？週一 FBI唔心息再致電其港男拖友羅天宇，佢解話：「佢呢排都有做 gym減肥，不過啲瘀痕應該係佢去做淋巴按摩時整瘀，但見佢家真係冇咁水腫，仲靚咗。」 FBI都通過淋巴，但就未試過按到瘀晒喎！

苟芸慧當晚着上一襲紅色低 V及露背晚裝騷出 3吋長事業線的確搶鏡，但手臂同背脊出現一笪笪瘀傷，令人以為佢俾男友羅天宇施家暴。

我冇打佢！（設計對白）男友羅天宇就坦白話：「其實佢係因為通淋巴去水腫，所以先搞到瘀晒啫，佢嵋家瘦咗好上鏡吖！」就算周身花喱碌你都讚啦

全場殺晒

自徐淑敏（ Suki）嫁人後，呢兩年頂上做台慶咪神嘅高海寧，於台慶夜亦着上桃紅色「 m」字露胸晚裝， 34D導彈身材殺晒全場，「咪神」呢個朵唔係浪得虛名。

大開中門

平時密密實實嘅胡杏兒，台慶當晚突然中門大開，出動白色大 V長裙同班姐仔鬥過，不過佢好謙咁話自己「冇乜嘢睇！」

祖藍激凸

當晚王祖藍就扮港男，唔只喺身上畫上朱古力腹肌扮大隻，最估唔到係 5呎 3吋高細細粒嘅佢，原來咁激凸。唔通加咗幾對襪入內褲加工？