上星期《盲探》一連兩晚 喺旺角西洋菜南街開工，由於現場太多途人圍觀，搞到 Sammi同華仔每拍完一個鏡頭就要快閃上車避一避。二人急急腳上車 嗰陣，華仔仲拖實 Sammi，好有風度。
FBI
待嫁 Sammi俾安仔食住
最近 Sammi為杜琪峯執導、劉德華同佢 孭飛 嘅《盲探》日夜趕工，拍完就壜埋心水嫁安仔做許太。
人去到唔同階段諗法就會唔同，好似 Sammi咁，以前一向自我中心，信主後已性情大變，處處為人設想，加上同安仔復合，成個人溫柔晒，唔使開工就情願匿 喺屋企狂做運動兼研究廚藝。
Sammi華仔 MK快閃
FBI最近仲收到二五爆料，話上個月 23日， Sammi老死 Marianne（梅艷芳生前經理人王敏慧）同男友毛志輝（亦係胡敏珊舊愛） 喺距離倫敦 1個半小時車程嘅 Berkshire古堡式酒店 Cliveden House Hotel結婚，原本應承 咗會到 嘅 Sammi竟然冇工開都唔到，原來係安仔同毛志輝早幾年反 咗面，安仔本人唔會出席亦唔想 Sammi出席，最後 Sammi都放 咗老友飛機冇到。擺明未結婚已經俾未來老公食住 咗喎！
安仔同 Sammi復合年幾，外人一直以為女尊男卑，實情 Sammi都好識做， 喺適當時候會聽晒未來老公話。《蘋果日報》圖片
華仔 喺《盲探》內飾演在一次行動中因視網膜脫落導致失明、因此被迫提前退休 嘅神探，上星期佢有一幕揸住盲公竹 喺旺角街頭行，咁多人睇住佢都係拍 咗 3、 4 take就搞掂。
Sammi就做女警，當晚佢扮買小食同珍珠奶茶畀「伙記」，人多又熱，鬼咁狼狽。
Marianne喺位於英國 Berkshire嘅 Cliveden酒店同毛志輝結婚。由於唔想被傳媒追蹤， Marianne只請 咗幾位朋友出席，包括黃偉文、周麗淇同關心妍等，可惜 Sammi同安仔甩底。網上圖片
酒店內的迷宮足有幾個足球場咁大。
Cliveden酒店屬於 5星級，有過百年歷史，連英國維多利亞女皇都曾經係常客。全酒店一共有 38間客房及套房。
新郎哥毛志輝包 咗幾間套房畀出席婚禮 嘅親友入住，佢自己就住 喺酒店 嘅 1樓套房。酒店雙人套房每晚連早餐約 7千多港元。
留言列表
{{ article.title }}
