超儀同龍心食過飯，但之後龍心 喺 Instagram鬧爆超儀，不過超儀唔介意，佢話：「嘻，佢係咁 㗎啦！咪由得佢囉，唔使認真喎！」
封面
屈 40萬 撩開房羞辱 超儀剷龍心：我要切咗你！
由維園是但，到被邀拍 online game廣告，「維園霆鋒」龍心（原名林克霖）憑癲上位，最近更被愛玩另類 嘅何超儀中，搵佢參演自己投資、將於年尾開拍的電影《羽毛球》。普通人可能飯應，偏偏癲狂龍心唔會咁易就範，除了要求超儀請食飯兼跪低拜師，更要超儀犯法燒銀紙。
咁都未算，龍心仲獅子開大口要求 40萬片酬，如果冇就要用鑽石或者其他騎呢條件當片酬，甚至開口撩超儀開房上床玩「 6P」！被辣㷫的超儀連日來跟龍心於 Instagram展開罵戰，更激動到揚言要切下龍心陽具。本刊得悉，龍心原來仲手持多段跟超儀自拍的未曝光短片。皇牌在手，唔怪得龍心大膽挑戰賭王女啦！
35歲維園霆鋒龍心，自今年 4月於維園《城市論壇》發癲後，癲行一直有增無減，經常出席遊行博出鏡。雖然網上人氣已有點滑落，不過癲出一條血路，先有 online game《 3D古龍群俠傳》搵佢做代言人（現已改為八両金、 Rainbow同 Cammi代言），最近連何超儀都想斟龍心拍電影。
狠切陽具
超儀上載一張疑似被切下的假陽具相片，暗指龍心（ egofightclub）的陽具在佢手。而龍心則回應超儀，問超儀係唔係佢國王要求佢切下，繼續語無倫次。（相片經黑白處理）網上圖片
「被閹」扯火
超儀上載完切下假陽具相後，龍心激動回應，叫 Josie收聲，並數爆 Josie狡猾，又鬧佢係巫婆。
獅子開大口
據知這套名為《羽毛球》的新片，由何超儀主演及投資，內容講述香港低下階層的發憤故事，《羽》片以喜劇包裝，何超會搵去年在金像獎大出風頭的《打擂台》導演郭子健執導，還屬意龍心飾演「謝霆鋒」，角色騎呢，老闆超儀於是頂硬上，透過好友 Kevin仔（獨立樂隊 Hardpack鼓手）搭路搵龍心。
上週三（ 29日）盂蘭節正日約龍心食飯，但其實龍心一向對超儀嗒糖。飯局前更於 Instagram聯絡超儀，當晚二人與 Kevin於尖沙咀食飯，其間龍心繼續語無倫次，之後帶埋超儀到海傍燒溪錢同真錢。當晚龍心更要求超儀畀 40萬作為片酬，超儀以冇錢為由拒絕，但龍心竟然要求鑽石及其他騎呢物件取代金錢。
上週三盂蘭節同龍心食完飯，超儀更同龍心去到尖沙咀海傍燒衣。龍心叫超儀下跪拜師，又要超儀燒真錢，超儀都任佢玩。（網上圖片）
超儀同龍心玩 咗成晚，片尾仲同龍心擺 咗個 rock姿勢作結尾！但之後龍心再性騷擾超儀，他說：「你係咪想我啷啷先！」不過超儀都冇理佢。（網上圖片）
二人食飯期間，龍心無端端講起印尼富豪林紹良，仲話勁過李嘉誠同何鴻燊，不過超儀就話：「何鴻燊好弱㗎……」（網上圖片）
超儀（右三）一向反傳統，前週日（ 26日）佢同盧巧音 喺靈堂開騷，為抗癌勇士陳偉霖（左三）完成心願。《蘋果日報》圖片
多段超儀短片揸手
上週五（ 31日）超儀出席活動時，對本刊表示：「年尾套電影想搵龍心拍囉，但導演要我 confirm佢（龍心） 喺片場受控先。（同佢難唔難溝通？）要 啲時間囉，又唔係想像中咁難！」
不過據知當晚超儀被龍心點到陀陀擰，席間更被龍心拍下多條短片及撩「上床」，超儀當然一口拒絕；但超儀勢估唔到龍心竟將當晚其中一段片放上 YouTube任人睇。超儀一怒之下便上載了一張假陽具相到 Instagram，揚言：「切咗你！」把龍心下體切下來。
雖然超儀火燒心，但仍要買龍心怕，原來龍心仍有多段跟超儀自拍的短片揸手未公開，連日來二人繼續於 Instagram展開罵戰，不過超儀亦唔敢太過分，事關龍心仍未答應接拍《羽毛球》，而據知超儀本人亦覺得龍心「有啲料到」，所以仍希望新片有龍心份。
本刊問超儀會否覺得「揦屎上身」？佢笑笑口話：「 𠵱家邊個係屎都未知，分分鐘係佢揦屎呢！」賭王女面對癲人羞辱，都仲識得講笑，果然與當年那個在街頭向記者怒潑咖啡相比，道行高晒喎！
今年 4月 喺維園胡言亂語後，被搜到身上有 0.21克大麻草，上週二（ 28日）上庭，被判罰 1,000元，離開法庭後，龍心 喺門外揮動東洋刀。《蘋果日報》圖片
龍心喺盂蘭節跟超儀的飯局話自己係「 Bruce Lin」，跟住就自拍乳頭特寫，留意佢當晚件粉紅女人衫，同上圖嗰件係一樣。
玩謝賭王女
盂蘭節飯局一開始氣氛算幾和平，超儀跟龍心更大講「 5P」、「 6P」非常露骨。點知後來龍心竟自拍短片數臭超儀，賭王女照鬧照玩。
5P． 6P
龍心話要同超儀× 嘢，超儀反應都唔弱，佢話：「我 哋講緊 5P，加埋你 6P」一於同龍心鬥癲。（網上圖片）
一齊×嘢
超儀講完 6P，龍心再接：「係呀！ 6P，我 哋一齊台上× 嘢！」（網上圖片）
鬧埋陳子聰
雖然同超儀食飯又拜師，不過二人為片酬問題發生爭拗，龍心仲拍 咗條 2分鐘片鬧爆超儀同佢老公陳子聰。他說：「走地雞，手又泡……陳子聰冇陰功囉，咁肉酸 嘅！換畫啦！何超儀，我幫你搵過靚 啲……」（網上圖片）
鬧臭×
龍心玩完超儀，即拍片鬧爆對方：「臭× 嚟 㗎！個×臭×到對面街都聞到……」（網上圖片）
新片扮霆鋒
今年 4月龍心 喺《城市論壇》首度出現，更自稱係福青幫第二把交椅，即成為網上紅人，由於外形似謝霆鋒，所以被封為「維園霆鋒」。 
超儀拍片一向偏鋒，除 咗同郭富城合作的《浮城》角色叫做正經 啲外，其他多數另類。前年佢自資 嗰套《維多利亞壹號》就極之 cult，超儀 喺戲中為買樓係咁殺人，更將周俊偉下體切下。 
《壹週刊》圖片
超儀同郭子健（右）老友，新戲《羽毛球》由超儀投資並主理，由郭子健執導。但郭竟說：「唔會搵龍心喎，暫時我哋未去到選角嘅地步，超儀又冇提過。」出錢嗰個話搵就得啦！
癲王多女
仙樂都：有娛樂性
《蘋果日報》圖片
曾經喺香港人網同龍心做節目而被性騷擾 嘅仙樂都話：「佢拍戲都有娛樂性，不過佢好難控制喎！但我唔會買飛睇佢囉！」
夢見自瀆
《忽然 1周》圖片
今年六四燭光晚會，龍心喺佢面前自瀆，阿夢最後報警求助。
自拍好 high
（網上圖片）
龍心經常拍片放上網，除 咗胡言亂語，早前更有段片疑似自瀆，癲上癮。
新女夠索
（網上圖片）
唔好睇龍心咁癲，原來都有唔少女粉絲，除 咗佢經常自拍同女仔傾電話外，仲有連一眾網友都話正 嘅新女「雞助」喺佢短片出現，不過「雞助」係邊個就暫時未被起底！ 
留言列表
{{ article.title }}
