FBI
高登新女神 濕身升呢 鄉音岑麗香：唔知身材咁犀利
《怒火 2》捧紅咗新姣精苟芸慧，接住上嘅新劇《巴不得媽媽》就彈出咗同苟姑娘一樣、講廣東話唔多正嘅 2010年國際中華小姐冠軍岑麗香。
上個禮拜出街嘅《巴不得媽媽》，以為要焗睇汪明荃同 黄淑儀兩個老婦鬥戲，好在有鄉音妹岑麗香 fresh吓。事關飾演女記者嘅岑麗香，第一集已經常着件貼身白 T恤四圍走，迫爆身材引死，之後仲跌埋落海玩濕身誘惑，搞到班宅男流晒口水，仲被高登友封為新一代女神。
被高登友狂谷，岑麗香同 FBI講：「拍攝真係唔知自己身材咁犀利，我諗係角度問題。其實我唔識睇中文，但聽過有高登網友讚我，我真係開心到唔知有乜反應，不過無論網友鍾意我或者唔鍾意我，我都會接受，佢哋嘅意見係可以令我進步。 𠵱家最緊要學好啲中文同廣東話，我真係好鍾意演戲。」岑麗香咁謙虛、又勤力，抵 TVB捧佢啦！
羅仲謙同岑麗香雖然傳過緋聞，但《巴》劇中 2人就冇感情線，岑麗香同錢嘉樂先係一對。
26歲嘅岑麗香 2010年代表溫哥華選中華小姐時，曾着過比堅尼上台，當時身材明顯冇 𠵱家咁豐滿。《蘋果日報》圖片
《巴》劇一出街，高登即捧岑麗香做新女神，大談佢身材正到暈。
上星期一播出嘅《巴不得媽媽》，岑麗香飾演一名電視台嘅新聞女記者，出外採訪時，雖然着住西裝褸，但入面件白 T恤就令佢嘅 33C上圍睇起嚟特別洶湧。最爆係鏡頭更 close up岑麗香心口，效果幾震撼！ 
唔只 33C上圍破衫而出，仲玩埋濕身，一場講佢出外採訪時，被一名想自殺嘅肥妹推跌連人帶攝影機一齊跌落海，但同佢拍檔嘅攝影師錢嘉樂寧願救部攝影機都唔救佢，搞到差啲浸死，最後全身濕晒。岑麗香咁搏，難怪高登仔都封佢做女神。 
全站熱搜
留言列表
{{ article.title }}
