據悉，最激一幕霆鋒同楊冪齊齊真人半裸上身上陣，被問到楊冪身材如何，霆鋒就轉話題：「我身材很好，可以拍內衣廣告。」
床上戲
透視楊冪撩霆鋒上床
離婚一年，霆鋒同栢芝各行各路，搵食緊要過搵第二春多多聲，談情？一概只限於電影劇情。
栢芝套套戲都談情，唔講唔知，影帝霆鋒近年套套動作片，少談情、床戲更加未試過。新戲《消失的子彈》終於破色戒，同強國至紅花旦楊冪雙雙半裸演床戲。雖然有個正印男友劉愷威，不過楊冪一早話細細個就當霆鋒係偶像，今次得米唔知邊個恨到呢？
離婚後 嘅霆鋒繼續套套叫好又叫座，栢芝就繼續難逃票房毒藥「美譽」，在內地遲三天上映的《河東獅吼 II》僅僅是《消失的子彈》一半票房，不過收七千萬已是栢芝復出後成績最好一部。
去年 8月，霆鋒同栢芝宣布離婚，結束四年婚姻生活。離婚後的霆鋒即時趕到上海為爾冬陞監製大片《消失的子彈》趕戲，更在片場與對手楊冪傳出緋聞。不過楊冪無耐自揭同劉愷威蜜運，霆鋒純屬細細個偶像。
隊酒壯膽
近年拍得多動作片，霆鋒難得有感情戲，會同楊冪 喺《消失的子彈》內扮演一對戀人。
25歲強國花旦楊冪拍電視劇《宮》爆紅，因此唱影雙棲。《消失的子彈》是她轉攻影圈的第二部大製作，又係同偶像謝霆鋒合作，楊冪自爆細細個就係霆鋒 fans。第一日 喺片場見到霆鋒已經騰騰震，兩人見面第三日已經要拍親熱戲，更加緊張，主動要求導演想隊酒壯膽，點知搵勻成個片場一支酒都冇，導演即時派專人外出買齊紅酒、白酒、啤酒、香檳任楊冪選擇。
男女共震
新人楊 幂緊張尚屬正常，原來少拍親熱戲 嘅霆鋒一樣緊張：「點會唔緊張？我都好緊張！楊 幂係出汗，我係手震，拍戲 嗰陣時好凍，我震 嘅原因一半係凍、一半係緊張，但係我唔識飲酒，所以冇得飲酒壯膽，至扮唔緊張 啫！」
點解會凍？皆因拍戲時正值 11月，加上上海天氣凍，氣溫接近零度，楊冪同霆鋒為場戲要齊齊半裸上身玉帛相見。不過《消失的子彈》內地開畫兩週勁收 1.5億人民幣，個個睇完都話民初版福爾摩斯查案最吸引，反而兩人床戲少人回味，就知點到即止啦！
楊冪在戲中扮演占卜師，被霆鋒所查案件連累被追打，霆鋒英雄救美又細心處理傷口，咁就處理到上 咗床。
楊冪話要同偶像霆鋒拍床戲，已經嚇到手心出汗，天氣寒冷又凍到震，呢場親熱戲拍得百感交集。
神探「鋒雲」
Chok住食雪茄
新戲《消失的子彈》上映在即，霆鋒週日（ 2日）從內地回港，為電影宣傳。傍晚飛機到港 嘅霆鋒，第一時間趕到銅鑼灣，竟然唔係巡視旗下製作公司 PO朝霆業務，而係去 咗公司附近 嘅雪茄店打躉。霆鋒一到場就被職員引入 VIP房，歎足個半鐘雪茄至上車走人。其實呢間雪茄店除 咗霆鋒，四哥謝賢都係熟客，多次被拍到幫襯，兩父子一擔擔興趣好一致。
歎完雪茄，霆鋒臨走又戴住黑超邊行邊向記者鏡頭揮手，保持一貫 chok風。
留言列表
{{ article.title }}
