11歲純女
全面遺傳阿媽靚樣、身形高䠷纖瘦的沈月，雖然初升中一兼第一日開學，但仍然顯得十分開朗，一啲都唔使阿媽擔心。
優良傳統
邱淑貞 11歲餅印女 開學免洗腦
全民反洗腦教育，邱淑貞和沈嘉偉的三位千金，全部讀國際學校，唔使擔心如狼似虎國民教育，照計冇咁煩惱！
不過廿四孝邱淑貞在週一開學日，依然做跑腿接升讀中一的大女沈月放學，難得 11歲沈月已亭亭玉立，果然盡得靚媽媽真傳。
44歲索媽
本週一（ 3日）穿 PLAY恤衫的邱淑貞戴住黑超，專程接女放學，可惜沈月未走得，要叫保鑣來代勞，雖然豆斗已 44，仍然 keep到身形勁 fit。
13年前邱淑貞（豆斗）下嫁 I.T老細沈嘉偉隨即息影， 01及 04年分別誕下女兒沈月和沈日，前年再誕下三女沈星，一直有傳邱淑貞想為沈家博個仔。本週一（ 9月 3日）開學日，初升中一的沈月就讀貴族國際學校南島中學，讀得國際學校自然唔使擔心要讀國民教育科，豆斗起碼煩少樣。
不過廿四孝媽咪豆斗可能怕女兒返新學校唔習慣，一到放學時間就匆匆駕車往南島中學接沈月放學，但囡囡似乎因課餘活動未結束，令豆斗撲了個空。
10分鐘保鑣到
豆斗接唔到大女放學卻又趕時間，惟有致電給司機安排保鑣等乖女放學，始駕車離去。 10分鐘後司機已駕駛另一部七人車緩緩駛到學校，在校內停車場泊車後，兩名保鑣同司機全部落車等候，認真大陣仗！
等 咗成粒鐘， 11歲的沈月終於現身，身穿校服裙、背住個黑背囊的她身材纖瘦長得亭亭玉立，美貌盡得媽媽真傳。保鑣一見沈月立即上前迎接，幾乎寸步不離護送，而沈月雖然見不到媽媽邱淑貞，依然笑容滿面，還跟新相識的同學傾了幾句才上車，囡囡適應能力咁強，豆斗邊使擔心呀！
保鑣護送
穿黑衫的保鑣守候一個小時，沈月才步出學校，保鑣即貼身保主。
有傾有講
其間一名穿藍衫的外籍女同學過來與沈月攀談，依依不捨才分手，看來沈月人緣唔錯。
邱淑貞出動兩名保鑣同司機，駕駛七人車接女兒放學，認真大陣仗。
邱淑貞 99年嫁 I.T創辦人沈嘉偉後息影做少奶奶，先後為沈家生下三名女兒。
貴族名校多猛人
沈月就讀的南島中學是位於香港仔的國際學校，每年學費約 8萬 9，不少名人或藝人後代校友，例如千億新抱徐子淇和黎明愛將 JW都在南島中學畢業，而譚詠麟 16歲囝囝譚曉風現時亦是該校學生，而且是籃球校隊隊員。
譚詠麟子譚曉風
黎明愛將 JW
千億新抱徐子淇
愈大愈靚女
邱淑貞大女沈月由出世以來不時被傳媒影到，由包包面至現在可謂女大十八變，愈大愈靚，愈大愈似媽咪，天生明星相。
11歲有星味
上月初沈月獨自睇爸爸 I.T旗下的 Mercibeaucoup,花生騷，戴住太陽眼鏡星味甚濃。《蘋果日報》圖片
8歲見靚樣
08年爸爸沈嘉偉與女兒沈月及沈日同遊上海，沈月當時已面尖尖，留起長髮充滿少女氣息。
4歲似老豆
4歲大的沈月跟邱淑貞到灣仔快餐店用膳，當時包包面似足老豆。
留言列表
{{ article.title }}
