關係匪淺
初出道時，栢芝亦曾與鄭中基傳過緋聞，到去年拍攝《無價之寶》時，估唔到原來 Ronald與栢芝細佬的未婚妻有「交情」，關係認真耐人尋味。
逢人電
姣精大肚嫁豪龍 鄭中基栢芝準弟婦 片場消失半日
一向係愛生事家庭的張栢芝一家，栢芝自己離婚、老豆鬍鬚勇涉恐嚇、與細佬栢文決裂後，最近張氏終於有喜訊，栢芝胞弟豪龍將跟女友拉埋。
跟家姐當年一樣玩閃婚的豪龍，快將與任職化妝師的女友周紫雯（ Nichol Chau）奉子成婚，但據知未婚妻原來亦為爛玩之人，去年擔任電影《無價之寶》化妝師時，竟被懷疑與鄭中基撻着，雙雙在片場失蹤半日。希望結婚之後，豪龍嫂生性啦！
Nichol曾於《無價之寶》內擔任化妝師，於片尾都有出現她的名字，全名為周紫雯。
現年 32歲的張豪龍，是栢芝最錫的細佬，其未婚妻 Nichol比豪龍大 5個月， 2人於去年 1月拍攝電影《無價之寶》時透過栢芝認識。
中途上基
Nichol與豪龍拍拖一向非常低調，就算未婚妻大埋個肚都冇人知。但據知去年拍攝《無價之寶》時，雖然當時鄭中基正跟現任太太余思敏蜜運中，卻有工作人員目睹 Nichol與鄭中基一同消失片場半日，之後才一起返回片場，不過鄭中基和 Nichol的好友關係很短暫，去年七月鄭中基迎娶余思敏前，已沒和 Nichol聯絡。
獨自湊女
鄭中基與余思敏結婚 1年，囡囡 Emma都已經 1歲，但 Ronald經常返內地工作，與兩母女聚少離多。 Emma多數由老婆湊，可能跟得媽咪多，自然同媽咪成個餅印咁。
近年轉戰內地的栢芝，之前自資電影《裸愛》，最近則忙於《河東獅吼 2》的內地宣傳。
陪過大哥
而一直被指靠家姐的豪龍，上月 30日正式跟女友排期結婚，難得可以獨立成家，豈料未婚妻卻被電影圈中人指為姣精。
知情者透露：「 Nichol嘅屋企人喺晒加拿大，佢自己喺香港住天水圍。除咗黐鄭中基之外， Nichol仲傳過同一個圈中電影大哥上酒店房傾偈添！佢好識做人，拍《無價之寶》嗰陣，佢負責化妝，成日黐住栢芝，嗰時栢芝已經婚變，佢好識同栢芝傾『女人偈』，氹到栢芝好信佢，之後栢芝咪將佢介紹畀豪龍囉！不過 Nichol喺化妝界圈子個朵好『響』啦，逢男人都姣，係栢芝先同佢啱到嘴形！」連大哥都搭得上， Nichol果然「撈」得掂！
比豪龍大 5個月的 Nichol，據知一向冧仔有計，更不時放 2人的親密照放上網，仲嘟晒嘴，非常恩愛。
機場留影
喺韓國機場都要嚟張合照， 2人攬到實一實，真係有夫妻相啦！
大肚旅行
Nichol曾於《無價之寶》內擔任化妝師，於片尾都有出現她的名字，全名為周紫雯。
護姐出關
一向同栢芝關係好嘅豪龍，即使家姐去米蘭拍攝特輯，都要帶埋細佬，到栢芝離婚回港，亦係張豪龍陪實家姐。《忽然 1周》圖片
是非家庭
張栢芝家庭背景複雜，父母親離異，細佬栢文跟自己反面，與豪龍關係最好。豪龍成家立室，栢芝總算有少少安慰。
江湖老豆
栢芝老豆張仁勇，人稱「鬍鬚勇」，於上月中與一名運輸工人捲入地產店被淋紅油及恐嚇案， 2人均以 1萬元現金保釋。《蘋果日報》圖片
風騷阿媽
阿媽戴莎妮雖然年紀唔細，但與男友馮國志感情要好，於西環經營火鍋店，更間中出鋪面睇鋪。《忽然 1周》圖片
反叛細佬
自與栢芝反目後，細佬栢文要自力更生，最近更與模 Jeana拍拖。
留言列表
{{ article.title }}
