海南島探奶奶9月中李蘊忽然喺社交網站 po咗張激罕三點式照出嚟，雖然佢冇寫去咗邊，不過經明查暗訪後，原來佢去咗老公仔老家海南島探老爺奶奶！網上圖片
封面 李蘊
新婚即分居 22歲李蘊倫敦秘嫁富帥銀行家
李蘊（ Renee） 11年與台灣魔術師劉謙因第三者介入而分手，唔夠 3個月即與內地銀行界才俊羅章冠（ David）撻着，二人更極速預支蜜月同遊美國，最爆係拍拖 4個月， Renee已信心十足說：「我哋唔會散」。
大晒恩愛的李蘊已不只一次公開講：「想快啲結婚生仔，我都認定佢係我結婚對象㗎啦！」言出必行，據知李蘊在今年 5月參演的舞台劇前，已跟 David飛到倫敦秘密註冊結婚。由於 David在廣州返工，李蘊婚後照樣中港兩頭住家，實行「分居」新婚模式。忽然閃嫁，李蘊大吃一驚：「邊個話你哋知㗎！」新婚即分居，李蘊反而唔介意：「其實好近㗎咋，我哋又會晚晚視像見面，而且我有時都會過去，我哋感情好好！」
不經不覺已出道近 10年的李蘊（ Renee），其實只有 22歲，經歷過上年被魔術師男友劉謙疑似劈腿後，李蘊隨即覓得真命天子，更於半年前秘密註冊做埋人妻。
過咗 3日，老公 David亦喺自家微博 po張泳褲背影相，寫明係海南島三亞，睇嚟新婚嘅二人玩得好開心！ 
夫家要低調
據李蘊所屬公司一名前員工爆料，「 Renee大約半年前已經結咗婚，結婚地點喺英國， Peter（經理人公司輝皇老闆 Peter Chiu）都有出席婚禮。不過 Renee叫我哋唔好四圍講，話要低調喎！話晒佢老公都係正當銀行家，唔想有太多新聞影響佢做嘢，屋企又屬於保守派，所以 Renee好大機會完約之後就唔再做幕前喇！」
其實李蘊恨嫁之心絕對有跡可尋。自去年 7月喊住宣布與魔術師劉謙分手後， 8月經朋友介紹認識廣州渣打銀行 Banker男友羅章冠（ David）， 11月趁 David生日，二人更寓工作於蜜月孖住去美國拉斯維加斯及加州吃喝玩樂，返到香港機場被港傳媒發現，李蘊當時已甜絲絲話：「我哋一齊緊！」
27/9 8:00pm最遲收工渣打才俊羅章冠David年紀輕輕已升任為廣州渣打銀行行長，唔多唔少都因為佢非常勤力，一般都會於 8時後才收工。呢晚佢做到公司關門前一刻至肯走，升得快有前途，成個強國版「半澤直樹」咁款。 
強國版「半澤直樹」 8:15pm揸車去到附近餐廳坐低食碗麵醫肚，冇計啦，老婆仔喺香港冇住家飯食。 
9:10pm食完麵直接揸車返屋企， happy friday都冇出去蒲， David果然夠乖仔！ 
放風好事近
11年因魔術節目同劉謙撻着，不過一年貨仔即因男方疑似有第三者而分手，喊死李蘊！台灣《蘋果日報》圖片 
陪弟慶生9月中李蘊細佬生日，身為家姐嘅佢又點可以唔返香港陪吓細佬？更何況佢講到咁近，走轉返香港冇所謂啦！網上圖片 
停工咁滯李蘊對上一次出席活動係上個月中，佢仲話暫時未有新 job。佢話跟公司合約仍有大約 2年，雖然未傾續約，但雙方關係好好。《蘋果日報》圖片 
好友露玄機其實熟悉 David嘅網友一早已經喺微博露口風，留言暗示二人已婚，不過知道嘅人真係唔多！
12歲入行，至今近 10年，李蘊事業冇話有咩大作為，不過感情事反而成大眾話題，如今 22歲就搵到真命天子，李蘊命水真係好過好多𡃁模。 
鬼祟遊 L.A.去年 11月， David做跟得男友跟埋李蘊過美國做嘢，之後二人留低玩，仲喺 UCLA門前留倩影，並分頭 po微博，點知被傳媒揭發，李蘊隨即剷走張相，保護戀情。網上圖片
「晚晚視像見面」
週一（ 30日）本刊致電李蘊恭喜她已為人妻，李蘊初時表現驚訝，後來即扮儍：「咩呀？邊個講㗎？（重複幾次）唔係呀，冇咁快！（但係有朋友喺微博留言叫你做新抱仔，又恭喜你哋喎！）我最近都冇去英國！我係視佢為結婚對象，雙方家長都見過面，不過未係時候。（唔介意分隔兩地？）其實好近㗎咋，我𠵱家中港兩邊走，就算見唔到面，我哋都晚晚視像見面，感情、關係都好好，不過我哋都係想低調啲！」
至於老公 David至截稿前未能聯絡上。李蘊已出道 9年，風浪都經歷唔少，𠵱家搵到筍盤靠山，既靚仔又有學問，當然要捉緊啲，唔好放手啦！
今年 7月，李蘊高調晒十指緊扣拍拖一周年溫馨照，其實當時二人已經結咗婚。網上圖片 
「大學」未畢業08年李蘊會考至得 4分，但其經理人即幫佢報讀在港進修的菲律賓比立勒國立大學 BBA課程，但李蘊讀了 1年，就話呢科唔適合自己而唔讀。網上圖片
英國註冊得唔得？
據梁永鏗律師表示，任何人喺世界各地結婚都可以，只要你有護照就得。
喺英國結婚，其實手續一啲都唔煩，只要帶住護照、地址證明同埋兩位證婚人就可以。當然，無論你身在英國或者未到，你都要喺婚姻註冊署辦理結婚申請，如果你係持有 BNO的話仲可以免申請費添！當地政府可能要求你遞交一份「擬結婚通知書」予領事部。預計要 21日前辦理，之後英國大使館就會發一份「不存在結婚障礙證明書」畀你去結婚。若果忽然想結都得，急件可於繳交速件處理處搞，半日就可以攞到，不過要畀多啲錢咁解。結婚證書要畀英鎊 7.5（約 94元港幣）。不過，如果你想喺教堂結婚的話，唔係當地居民就唔得喇！
𡃁妹變𡃁模
'03「 Cream」出道
03年李蘊（右）參加歌唱比賽「新星新人類」得第 4名，之後得現時經理人 Peter Chiu睇中，加埋陳曉彤和盧嘉寶組成組合 Cream出道。
'08四葉女
06年因隊友要專注學業，故李蘊宣布獨立發展。 08年更拍住詩雅、趙碩之拍電視劇《四葉草 3：盛裝舞步愛作戰》。
'10唱 K-pop
10年李蘊與同公司的劉欣宜（ Miyoko）合唱韓國改編歌曲〈 Mister〉，可惜得不到網民支持，更被恥笑 PP舞被跳得似「屙屎舞」。
'12寫真仆
前後推出過三張唱片的李蘊， 12年再推出第三本寫真《寵愛李蘊》，更遠赴馬來西亞取景，大晒 32C靚身形，不過寫真銷量麻麻，今年冇再出。
28歲「行長」
小時候的 David跟一般內地兒童冇乜分別，會帶公安帽影相。網上圖片 
28歲 David充滿童真，喺屋企攬住公仔影相，揸機嗰個唔通係李蘊？網上圖片 
David雖然只得 28歲，但已經是渣打銀行廣州分行行長，仲深得老闆愛錫，於公司晚宴繑實影相。網上圖片
採訪、撰文：娛樂組
攝影：娛樂突發組
留言列表
{{ article.title }}
