黑人婦女通常下圍有番咁上下，呢幕鄭中基喪扭巨籮冧老外，未睇電影都笑爆喎。
FBI
鄭中基扭籮黑妹
一向搞笑 嘅鄭中基， 喺新戲《男人如衣服》入面再次男扮索爆女裝，不過今次要扮黑人女人 Auntie Beyonce，除 咗要墊大個 pat外，由頭到腳都要噴上黑色顏料，每次化妝足足用 咗 3粒鐘先完成，連現場 嘅黑人女孩都爆笑問佢：「 Where do you come from？」
鄭中基戲入面飾演一名專門研究手機 app嘅博士，但因遲遲未能研發成功，所以惟有做臨時演員謀生計，所以造型多多。戲入面仲可以同新人吳千語去杭州西溪天堂，一邊吃西瓜一邊談情，不過鄭中基笑言同千語談情，分分鐘會有血光之災。佢話：「呢場戲講我差 啲錫到千語，但差唔多錫到時，佢就要打一個乞嗤，仲要成個頭撞落我塊面度，試戲 嗰陣，佢真係唔就力撞埋 嚟，差 啲流鼻血。」
單睇鄭中基 嘅「 S」身形已經爆笑，去到家長會仲俾老外錫手猛撩添呀！
墊胸墊 pat仲要坐定 3粒鐘化妝，真係少 啲耐性都唔得。
黑人女孩見到鄭中基黑到咁，竟然問佢邊度鄉下。
電影公司力捧新人吳千語，雖然佢同林峯傳緋聞，但戲入面就同鄭中基飾演一對。
導演谷德昭拉大隊去杭州拍攝，雖然個景好靚，但鄭中基同吳千語就俾蚊咬到周身紅。
全站熱搜
留言列表
{{ article.title }}
