5’11＂高妹 Amber XU
胥力文簽約 GiGi旗下公司後，頭炮工作就係為 GiGi化妝師 Andy新搞作 D-mop Beauty擔任開幕代言人。
真面目
高妹新女 學黎明自組公司捧人 梁詠琪簽 Gaile師妹接班
去年 10月 3日在西班牙小島閃婚，話咁快本週三（ 3日），梁詠琪（ GiGi）同老公仔 Sergio就結婚一周年紀念，恭喜恭喜！
人妻 GiGi表面上深閨又優悠，幕前演出買少見少，實情滿肚大計，最近更學黎明、陳奕迅兼做經理人自組公司捧新人。名下經理人公司 Gmajor頭炮就係搶簽樂基兒師妹、 5呎 11吋上海名模胥力文（ Amber），力捧做高妹接班人。
GiGi簽完接班人，幾時生個接班人出 嚟呀？
親自監場
同老公出發西班牙慶祝結婚紀念前， GiGi其實已經秘密簽下新人胥力文，仲親身去現場探班。
適逢中秋又係結婚周年紀念，梁詠琪公告天下，跟住老公 Sergio返 咗鄉下西班牙過中秋兼慶祝結婚紀念。婚後一年， GiG兩口子在愛巢歎啡曬日光，長假就遊山玩水探吓親。中秋假期， GiGi就先放老爺玩燈籠應節照，再放四個月 cute爆西班牙外甥照上微博，愈 嚟愈享受平淡悠閒幕後生活。
中幾年
本週三（ 3日），是 GiGi與西班牙老公 Sergio閃婚一年大日子，飛去西班牙慶祝前， GiGi其實已經偷偷簽 咗新人胥力文，仲訂下發展大計。
嫁作人妻後心態同生活今非昔比，其實 GiGi對娛樂圈一樣有野心，不過係轉移對自家公司同新人身上。半年前， GiGi投資百萬與經理人公司美亞合資組成新公司 Gmajor，自己話事從事製作及藝人經紀公司。
籌組半年， GiGi上週落筆與旗下首位藝人胥力文（ Amber）簽下五年合約：「呢個女仔我留意 咗好耐，好多年前已經覺得佢好高、生得好型，覺得佢電影同 modelling方面都大有可為，就開始同佢接觸傾合約。傾 咗幾個月㗎喇，上個星期佢同舊公司（ Cal-Carries）約滿，終於落成做 咗 Gmajor第一個藝人。」
益自己人
27歲的胥力文，雖然係 GiGi旗下新人，其實 喺模界一早係超模級人物。 01年 16歲出道，冇耐已被睇中為 Chanel、 Fendi和 Dior等無數大牌子行騷，貓步足跡遍北京上海香港甚至巴黎，更有模界張曼玉之稱。做模之外，仲同劉德華拍過電影，又曾與黎明拍過 MV，好有經驗。
簽下 GiGi前，是樂基兒前模特兒公司 Cal-Carries旗下紅模，新公司頭炮工作，就係做 GiGi御用化妝師 Andy Leung（ Yumiko未婚夫）× D-mop化妝品旗艦店 D-mop Beauty開幕廣告 image girl。有好 嘢，第一時間益自己人。
高劉華成個頭
《忽然 1周》圖片
5呎 11吋的 Amber， 7年前曾經客串拍攝《再說一次我愛你》電影中做番自己演 model，着平底鞋出席首映都高過自稱 5呎 8吋劉華成個頭。
做串星
劉華 喺《再說一次我愛你》內一人分飾醫生及髮型師兩個角色，其中一幕髮型名師劉華就係為名模胥力文執緊靚頭。
CM模
D-mop Beauty位於中環安蘭街 嘅旗艦店本月 4日正式開幕，到時 Amber拍足全日 嘅型爆造型相成間鋪都見得到。
行 catwalk外，又曾拍 Sony相機電視廣告，可塑性高。
模界張曼玉
外貌似張曼玉嘅 Amber，曾為上海灘着上旗袍拍廣告。
姓名：胥力文 Amber
國籍：中國
出生日期： 1985年 3月 25日
身高： 182cm
體重： 54kg
合作品牌： Adidas、 Gucci、 Chanel、 L.V、 Ferragamo等
電影：《再說一次我愛你》、《父子》
代言：和記電訊、上海灘、 Sony數碼相機等
星級經理人
黎明
《蘋果日報》圖片
旗下百仕活娛樂為藝人文詠珊、衞蘭、李治廷、 JW等安排出碟及其他演藝工作，近年連老婆樂基兒及舊愛李嘉欣都簽埋做自己人。
陳奕迅
《壹週刊》圖片
今年五月自組製作公司製作個人音樂兼捧新人，雖然當事人不承認，不過通行盛傳 Eason簽下的頭炮新人是 22歲模 Evelyn（蔡穎恩），今年底將轉型做歌手。
任賢齊
《蘋果日報》圖片
與東亞娛樂合組大岳娛樂，頭炮簽下蘇永康，上月再簽周麗淇，下一個目標則瞄準梁漢文，計劃為梁出碟再開演唱會。 
留言列表
{{ article.title }}
