《怪誕復活狗》講主角維特同愛犬 Sparky嘅人狗情。原來添 sir將自己嘅亡犬 Sparky投射喺電影中，佢話睇試片時，諗番起愛犬都想喊。
西面
怪誕哈囉喂
唔夠一個月就到萬聖節，今年 Halloween最佳節目，就係去海洋公園潮拜完「聖羅蘭」後，再睇多套萬聖節電影應節。
今年最爆梗係由鬼才大師添布頓執導嘅 Halloween動畫《怪誕復活狗》（ Frankenweenie），添 sir擅長搞陰森怪異氣氛，但今次套戲主線講人狗情，怪誕得嚟笑中有淚，仲玩埋 3D黑白製作。破格，一直係添 sir style。
《怪誕復活狗》
《怪》片由 05年開始籌備，一向出名製作嚴謹嘅添 sir，由編劇、拍攝，甚至泥膠公仔製作都要親自監督，抵佢被封為大師。
上映日期： 10月 18日
荷里活大導演各有唔同 style， Michael Bay擅玩爆破、史匹堡最叻拍外星片，而添布頓就代表陰沉同怪誕。真人電影、卡通動畫樣樣拍過晒，一向鍾意試新嘢嘅添 sir，新片《怪誕復活狗》就玩黑白 3D iMAX定格泥膠公仔動畫。
電到翻生
維特因愛犬 Sparky意外身亡，而鬱鬱不歡，一次忽發奇想用雷電擊落愛犬身上，最後竟然令 Sparky翻生。
觸電變樣
翻生後嘅 Sparky，體內含有電力，一隻貴婦狗唔小心掂到佢，即被電到彈起，仲搞到五官移位，超搞笑。
變種異獸
當電擊翻生一事傳遍全城，唔少市民亦有樣學樣，搵自己嘅寵物做實驗，結果將啲寵物搞到變種成異獸。
真有其狗
向科學怪人致敬
巨獸踩警車
當中有異獸不停變大成為怪獸，而且仲走向城市搗亂，一腳踩爛成架警車，一發不可收拾。
時代廣場變墳場
電影《怪誕復活狗》將於 10月 18日才上畫，不過上週五（ 9月 28日）起於銅鑼灣時代廣場，已展開名為《寵物墳場》的展覽，展覽中將《怪誕復活狗》中真實墳場場景搬到去時代廣場，而主角維特及 Sparky等公仔更出現於場內任影唔嬲。展覽去到 10月 31日為止，睇戲前不妨踩去現場嘗試一下怪誕滋味。
會場裏，亦有間怪誕小木屋介紹《怪誕復活狗》製作花絮及播放預告片。睇戲前，可以先備課。
《寵物墳場》展覽，為配合《怪誕復活狗》陰沉氣氛，全部以灰黑及白色裝飾，將時代廣場變成詭異。
留言列表
{{ article.title }}
