除 黄秋生、梁朝偉同劉華等巨星已接受訪問，芷珊話仲約緊甄子丹及任達華，希望趕及在節目播完前做到訪問。
真面目
橋唔怕舊 TVB抄志雲橋當新料
自從「殼王」陳國強愛將余詠珊空降 TVB，成為非戲劇製作總監後，經常被網友恥笑抄得就抄的無綫，短短半年即連推三大騷，包括《翡翠歌星紅白鬥》、《玩轉三周 1/2》及港姐普選，可惜錯漏百出，鑊鑊爆。
新搞作鋪鋪輸，惟有食老本。將於下週一（ 8日）播出、由做開娛樂新聞「扑咪妹」的黎芷珊，擔正主持訪談節目《最佳男主角》，邀請到梁朝偉、劉德華等巨星做嘉賓，由於卡士超強，無綫專登安排每星期播足 5集，為台慶造勢。不過據知該節目原來由已離職的陳志雲原創，並非余詠珊所度。邊個先係橋王，好明顯啦！
今年 2月離職無綫、轉去商台做 CEO的陳志雲，最擅長搞噱頭造 noise，由當年《向世界出發》、《志雲飯局》，到後期的《盛女愛作戰》，都係出自陳總手筆。
‘ 12新版
黎芷珊同劉華私底下非常老友，多次為對方的訪問環節做嘉賓，今次更會為《最佳男主角》打頭陣。
‘ 10舊版
劉華曾上芷珊的娛樂新聞台節目《 Star Talk》，當時劉華大方喺節目講瞞婚事件。
志雲推薦
橋唔怕舊，原本陳總離開 TVB前，曾計劃另一個類似《志雲飯局》的訪談節目，但唔再由自己做主持，反而派李浩林同黎芷珊分頭出擊。「 Stephen覺得 Derek同芷珊喺訪問呢方面都好有經驗，於是叫佢兩個各自搵 啲相熟 嘅星做專訪， Derek負責女星、芷珊就搵男星，但最後得芷珊約到，預備開拍嗰陣，志雲就冇撈喇！」知情人士透露。
節目拍唔成冇問題，弊在無綫突然將已同無綫脫離關係的陳總舊橋重新上市，變成即將出街的《最佳男主角》。
黎芷珊（左一）曾訪問過陳總，據知陳總非常欣賞黎的工作表現。《忽然 1周》圖片
女主角撻 Q
精通兩文三語的李浩林，有豐富訪問經驗，可惜約唔到女星做節目嘉賓，搞到只得《最佳男主角》出街。《壹週刊》圖片
與陳慧嫻、陳樂敏同期出道，以「少女雜誌」名義出過碟嘅黎芷珊，同主持《 430穿梭機》出身的周星馳識於微時。
芷珊曾與鄭伊健拍拖，兩人再見亦是朋友，今次芷珊搞新節目，伊健都一口應承做嘉賓。
唔怕比較
變臉大師
由殼王親自欽點入 TVB頂替何麗全的余詠珊，早年已同陳志雲拍住上， 08年講窮人生活的記錄片《一百萬人的故事》在台慶獲獎，余更在台上公開多謝陳總。但據知自從陳總因被廉署調查而停職後，余便唔再埋陳總堆，「嗰陣《盛女愛作戰》好 hit，余詠珊落晒 order叫人唔好再提條橋係陳志雲度出 嚟，擺明唔想人覺得陳生叻過佢！」
余詠珊（右）一度離開 TVB，轉到台灣壹電視做開荒牛，其間陳志雲（左）多次力邀余回巢，最終余在今年 1月回 TVB。
五個盛女由陳志雲一手捧出嚟，余詠珊唔想提，陳總就安排佢哋去商台做訪問，照顧到足！
《壹週刊》圖片
同行隔岸觀火
陳貝兒
《蘋果日報》圖片
我當年都做過一個叫《傑出電影人系列》 嘅節目，但都好想睇芷珊個節目，話晒佢咁有資歷，又係我前輩，同埋覺得佢好犀利，可以約到咁多巨星做訪問！
區永權
All-Star陣容率先睇
逢星期一至五晚上十點半播出的《最佳男主角》，請到香港多位一線電影巨星做嘉賓，連甚少做訪問嘅梁朝偉都請到，全部由芷珊親自「碌咭」，卡士強過當年《志雲飯局》！
劉德華
任賢齊
鄭伊健
謝霆鋒
劉青雲
張家輝
吳鎮宇
古天樂
郭富城
梁家輝
黄秋生
曾志偉
梁朝偉
留言列表
{{ article.title }}
