通屋底褲
四個男仔住埋一齊冇地方晾衫，結果成個廳掛晒「萬國旗」，阿基說：「為了衞生起見，內褲會自己洗，自己衣服也自己晾。」
Main Camp
直擊第一城亂竇 內地生銀彈搶租
今年 DSE及 A Level學生齊入 U，向來一床難求的大學宿位更加競爭大，內地生惟有外求私樓，結果令各大學附近的租金直線上升。
而鄰近馬鐵站的沙田第一城，最近更淪陷成為內地生宿舍熱點，內地生佔屋苑整體租客量一半，其中讀浸會大學心理學副學士 Yr. 1的李弘基，與三個素不相識的同學，為搶租盤，不惜一次過繳交一年租金共$126,000，租下一個 410呎單位。雖然搶贏租盤，但其實四子蝸居生活亦不好過，四人入住僅 20日，從未做過家務，斗室變亂竇，居住環境想好都難。
廿日前才由廣東江門來港入讀浸大國際學院心理學副學士 Yr.1的阿基，跟 3位同學於今年 7月以 9千元租住第一城 410呎兩房一廳單位，租金現已升至$12,000。本刊發現屋內只有兩張碌架床及尚未裝嵌的書枱，電視、雪櫃及電飯煲等煮食用具全部欠奉。阿基說：「我們喺屋企時間唔多，有時學校有活動甚至會深夜才回家睡覺，所以沒有太多家具，電視都可以用電腦睇啦！」阿基直言對香港仍很陌生，為跟同學混熟，他主動參加迎新營，而能操流利廣東話的他並沒有主動向其他同學透露自己是內地生。
大廳亂龍
大廳雜物亂放兼滿地垃圾，買了四張枱卻只砌了一張就算，連做功課都冇枱用。
床邊睇書
四子每人夾$16,000買了兩張碌架床和基本家電，但入住 20日連枱都未 set好，加上大廳勁多雜物兼污糟，結果瞓下格床的阿基要坐在床邊睇書，而室友 Ivan（小圖）則只能倚在床邊玩電腦。
堆滿紙皮
廚房沒有雪櫃，地方更加見使。但阿基直言他們只會煮公仔麵或買外賣，由於 4位同學都不會主動清潔，故廚房堆滿舊紙皮箱（箭嘴）和垃圾。
飲茶揀同室
跟一般合租單位的大學生不同，阿基與其餘三位租客並不是同班同學或老死，他們四人租屋前各不認識兼來自不同省份，全靠透過浸大副學士群組招合租，結果不足一星期便成功湊夠腳。
阿基說：「來港前我們父母一齊飲過茶，除咗互相了解大家背景，又講明在租住單位不能吸煙及不准帶女生過夜。由於我們大部分在港沒有親人，亦沒有任何抵押，所以一年租金及兩個月按金都由四位父母用現金一次繳付。」
20日冇洗廁所
有逾萬個單位的沙田第一城本來係租客樂園，但現已被內地生攻陷，在今年 8月更曾一度出現缺盤。
記者眼見阿基的蝸居家徒四壁，更要跟 3個素不相識的同學生活，雖然只來港 20日，但生活問題已開始出現，「我哋雖然好少煮食，平日可以的話都會在學校飯堂食晚飯，但亦想買個雪櫃放零食，可惜其中一名室友係研究生，話自己好少返屋企用，唔買雪櫃喎。其實我哋四個都好少相處時間，我哋住咗咁耐都未做過家務，廁所更加冇洗過，連佢哋隻杯污糟咗我都唔會理，因為大家根本未傾過點分工。」由於阿基目標想在港讀心理學學士，所以還有多年在香港讀書，確實要鍛煉吓忍耐力，惟有焗住亂竇。
一城市民多投訴
強國人攻陷沙田第一城，有市民投訴品流較前複雜，甚至出現衞生問題，雖然未必關內地生事，不過做好榜樣，都可以減少港人誤會。
住客：衞生差咗
住第一城的黃太，覺得多了內地人後品流比以前複雜，衞生情況大不如前。她說：「我隔籬單位租咗畀內地人，佢成日亂放垃圾，膠袋又唔封口，搞到走廊好臭，衞生真係差咗。我投訴過都冇用。」 
快餐店阿姐：講嘢大聲
第一城遭內地生攻陷，連快餐店阿姐亦投訴說：「啲內地生講嘢好大聲好嘈，會嘈到其他客人。」 
地產代理：指明租畀內地生
在 7至 9月暑假期間，第一城 400多呎單位租金由 9千急升至萬 2，阿基四子的單位已算平租，當區地產代理表示：「唔只細單位受內地生搶租，面積逾千呎的單位亦漸受內地歡迎。因為內地人好多都一次過畀一年租金，而且約滿後又會介紹給師弟續租，所以三個月內已經有 10宗內地生搶贏本地租客個案，而且好多業主開始講明要租畀內地生，避免遇租霸。」
沙田租金升一成
據沙田地產經紀表示，內地生在 7至 9月搶租高峰期，令沙田區平均租金最少扯高一成，以沙田中心為例， 10宗租務有 7宗由內地學生承租。
沙田第一城
升 22%
沙田中心
升 12%
金獅花園
升 13%
Main Camp：
留言列表
{{ article.title }}
