新春連放多日假,最好梗係出埠外遊行個大運啦!所以新年去機場特別星光熠熠,事關有好多明星都好似東姑咁諗嘛。東姑離港嗰日咁啱見到陳冠希(Edison)同埋佢嗰位台籍女友洪文安(Ann)齊齊離港噃。而Ann原本係Edison服裝店Juice台灣分店嘅員工,依家升呢做「希嫂」當堂cool晒,東姑同Ann打招呼希望佢可以停低影張相,點知佢就一直唔出聲低頭係咁行當東姑透明。
反而Edison呢日心情大靚,Q爆咁望鏡頭兼同東姑say hi,東姑入閘時見到佢揸住張身份證,上面張相剪咗個平頭裝,薯仔到爆!另外,唔知係咪Edison深宵掛住影相冇瞓覺呢?嗰日東姑見到佢個黑眼圈就嚟跌到落個鼻,又面無血色,有愛情滋潤唔係應該靚仔啲o架咩?
留言列表