主演:宋慧喬、趙寅成
《那》劇中,趙寅成原本向盲妹宋慧喬埋手騙財,但最後卻愛上她陷入苦戀。

韓面

韓劇回春

2013年03月06日 ~~ 第302期 Face

踏入 2013年韓國電視劇回春,尤其最近同期出街的 2套大卡士製作《那年冬天,風在吹》及《 Iris 2》熱到爆。
當中以冇拍韓劇足足 6年的韓劇一姐宋慧喬、搭電影《霜花店》實力型男趙寅成主演的《那年冬天,風在吹》最多粉絲談論。
今次扮演失明富家女的宋慧喬同飾演騙徒的趙寅成大玩苦戀,全劇盲妹宋慧喬由頭帶到尾,唔會好似《一代宗師》成個啞妹咁冇咩對白囉!

《那年冬天,風在吹》盲妹苦戀


上月中首播、由韓劇一姐宋慧喬配 8年冇拍韓劇的影帝級型男趙寅成主演的《那年冬天,風在吹》,以騙徒與盲妹的苦戀做賣點,講趙寅成飾演的賭徒吳守,身負 10億債務,為還錢於是向有視障的有錢女吳英(宋慧喬飾)埋手,冒認其兄,點知 2人相處後竟日久生情更陷入苦戀。


純情床戲
雖然套劇講盲妹苦戀,但劇中亦有溫馨場面。呢一幕講 2人去海邊度假,喬妹齋攬住趙寅成,並無大膽行為,拍床戲都拍得特別純情。


被迫跪低
身高 6呎 3吋的趙寅成,同 5呎 3吋高宋慧喬身高相差 1呎,據知導演盡量多拍 2人坐下或跪下的鏡頭,以免 2人變電燈柱掛老鼠箱太礙眼。


高踭盲妹
劇中扮盲妹嘅喬妹,因貪靚要着高踭鞋,所以行街時都要繑實趙寅成行路。

盲都要靚


此劇已於 2月 13日開播,現已播到第 6集,最高收視曾高達 15.5%,成績唔錯。劇中扮失明人士的喬妹,因經常扮到鬼咁靚,最誇張係着住斗令踭高踭鞋周街行,卒之有觀眾質疑喬妹扮盲妹都死要靚。不過面對負評,喬妹就一味死撐,強調自己做足資料搜集,話自己曾親身到視障人士中心觀察盲人生活,當中發現不少視障女性原來好貪靚,一樣愛化妝同穿高踭鞋,所以扮靚女盲妹絕對合情合理喎!
雖然《那》劇屬文藝劇種,但劇中男主角趙寅成,曾因拍一幕動怒用拳頭擊牆的場口時,唔小心擊中牆邊的玻璃而弄至手部受創,最後要送院縫上 13針,但他為免阻礙拍攝進度,做完手術後即趕回片場繼續開工,工作人員個個讚佢專業。

《 Iris 2》打到飛起




男團 Beast嘅主將尹斗俊亦有份演出,飾演自信開朗嘅特工,同張赫及李多海搞三角戀。


主演:李多海、張赫
原本弱質纖纖嘅李多海,今次於《 Iris 2》中,飾演射擊冠軍嘅打女,首次挑戰動作戲,李多海開拍前專程去武術學校苦練身手。


張赫飾演韓國國家安全隊精英特工,所以在劇中經常大打出手騷 quali。張赫曾於《推奴》及《壞情人》中同李多海合作,計埋今次已第 3次,應該好有默契。


《 Iris 2》同《那年冬天,風在吹》一樣於 2月 13日首播,首集高收 15.3%收視,原本成績唔錯,但到第 2集已開始一路跌,搞到最近主角張赫同李多海要用激烈床戲谷收視。

練到勞損


今次同《那年冬天,風在吹》正面對撼,就有《大話妹》李多海夾埋《壞情人》張赫合演的《 Iris 2》,套劇主 sell動作場面。
今次《 Iris 2》故事以上集李秉憲死後 3年做背景,主線圍繞李秉憲之死及偵查種種謎團,亦將會揭開幕後操縱的 Mr. Black的神秘面紗。今輯主角李多海同張赫齊齊做特工玩諜戰,而且打到飛起。
《 Iris 2》首集收視有 15.3%,只比《那》劇低少少,而大隻又粗豪的張赫做慣動作片,演打戲絕對冇難度,但一向嬌滴滴的李多海,首次扮打女,演出前就苦練武打身手。據知由於多海心急,起初每日練武練足 5粒鐘,搞到筋骨過分勞損,最後筋骨發炎要休息一星期,得不償失。

《野王》權權爆肌


比《那年冬天,風在吹》及《 Iris 2》早 1個月出街的韓劇《野王》,由《天國的階梯》大隻男權相佑、加埋東方神起偶像允浩一齊合演。講述權相佑飾演嘅純情男河流,甘為貪慕虛榮嘅多海(秀愛飾)犧牲一切嘅愛情故事。一向玩開健身的權權於劇中照舊剝衫晒胸肌,難得 36歲依然 fit到爆。此劇至今已播到 14集,最高收視曾高達 20.8%,是今季最爆韓劇。


東方神起偶像允浩飾演富二代,孤兒院長大嘅秀愛為脫貧,主動勾搭允浩,角色勁乞人憎。


主演:權相佑、允浩
《野王》中,飾演癡情男嘅權相佑,玩剝衫騷大胸同 6嚿腹肌,據知權權為拍呢場戲,事前日日操足 2粒鐘 gym,唔怪得 fit到漏。



撰文:何家文

arrow
arrow
    全站熱搜

    tvb4life 發表在 痞客邦 留言(0) 人氣()