何佩瑜（ Jeana）和黃泆潼昨日喺旺角行人專用區出席音樂派對。 Jeana話近日報考車牌，希望可以載男友到飛鵝山睇日出，更認有新對象，講到飛鵝山是情侶打野戰勝地， Jeana話：「睇日出都得啩。」問到如果男友慾火焚身，佢就話錫一錫攬一攬男友撲火，佢又話抗拒野戰車震：「俾人影到咪大鑊，未入行前同男友就試過車震，家會避忌。」

Jeana 胸懷大志：我討厭周秀娜！

周秀娜現象成為大學課題，她的成功令無數胸懷大志的女生趨之若鶩，史上最寸嘴o靚模何佩瑜（Jeana）也是其中之一！做人搶韁勁過娜姐，布也穿得少過她，為何永遠都被娜姐這道牆阻住？或許雌性動物天生妒忌心重，Jeana一句：「我討厭周秀娜！」正如常常輸給諸葛亮的周瑜慨嘆：「既生瑜，何生亮？」卻不明白共振定律。Jeana將一連5日剖白入行心聲及生活態度，讓讀者零距離了解她。

我份人好有表演欲，你話我自戀又好，話我乜都好，天生就喜歡別人圍住我團團轉。09年因亮相《美女廚房》而為人熟悉，一直好想出名，翌年周秀娜公司選新八模，呢個機會可一不可再，所以膽粗粗去試試，我知道自己一定選到。

結果大家都知啦！我成為新八模，咁就做咗周秀娜師妹。一直覺得娜姐好犀利，佢咁紅玩轉o靚模界，真係好想複製佢條路，做寫真女王。當然，我認為自己有咁嘅能力啦！新八模無疑係我嘅踏腳石，無奈呢塊踏腳石好細，新八模出一本寫真，一塊餅要八個分，咁都算，點知嗰年八個女仔最有新聞價值係生過仔嘅Mia（陳靜儀），注意力集中晒喺佢度，仲要每次宣傳都由娜姐帶頭。我明明高過娜姐同Mia，唔知點解次次影相都影唔到我，彷彿所有宣傳都唔關我事，一句講晒「冇癮」！新人嚟講，何佩瑜連二、三線都去唔到！

毛遂自薦出寫真

真係萬念俱灰囉！原來默默耕耘等上位只係得個吉，我做乜要再浪費時間呀！莫非要等「新新八模」呀？舊年公司又揀女仔出寫真，知道娜姐唔玩，我唔理，一定要出個人寫真，所以衝上公司表明心迹，我已準備好一切，會不惜一切豁出去搞好呢本寫真！機會終於畀我爭取番嚟，真係講不出咁興奮，我知道自己做梗寫真女王，講真，周秀娜做到，點解我做唔到？我一早刨晒佢啲寫真，娜姐着過邊件比堅尼我都記得，影得靚過佢有幾難？

長江後浪推前浪

真係好開心，寫真出嚟嘅效果喺預料之內，包括塑造咗一個敢言形象，開始有好多人包圍我，有好多嘢做，擁有好多演出機會。不過，我同娜姐距離仍然好遠，我活生生活喺一個殘酷現實之中，原來我仲喺起步階段，有時真係諗，如果冇咗佢喺度，機會會唔會落喺我身上？諗吓真係有啲唔忿氣，係有少少討厭周秀娜囉！哈哈！不過掉番轉頭諗，呢一刻只係剛起步，平心而論，娜姐嘅努力真係令人欽敬，我知道要比佢更努力先可以爬頭。我一出道已經講過長江後浪推前浪，深信我呢股後浪好強勁，何佩瑜唔會咁易認輸嘅！

（明日待續）

Profile

姓名：何佩瑜（Jeana）

花名：嫩版范冰冰

年齡：23歲

三圍：33C、24、34

公司︰GME模特兒公司

作品︰寫真集《Girls Look Book Volume 2》和《The Sexy Grand Master》

電影︰《喜愛夜蒲》和《熱浪球愛戰》等

口述：何佩瑜　筆錄：專案組

第一手消息請下載on.cc東方互動iPhone/iPad/Android Apps

Jeana複製周秀娜做寫真女王，更希望有朝一日超越她。

Jeana在電影《喜愛夜蒲》中，與歌手陳柏宇（右）有對手戲。

追住師姐周秀娜打的Jeana，寫真集內由甫士至內衣款式都跟到十足，認真絕！

周秀娜

「不倒胸」生不逢時 Jeana嫌娜姐阻碇

正值上位的「不倒胸」何佩瑜（Jeana）與師姐周秀娜一樣靠胸搵食，可惜一直未能超越對方，耿耿於懷。Jeana坦言極討厭周秀娜，若沒有她阻頭阻勢，發展一定更好！

Jeana自認條件不比周秀娜差，無奈未能爬對方頭。

周秀娜出道至今都是一線o靚模，身為師妹的Jeana可謂生不逢時！Jeana受訪時坦言很難超越對方成就。她皺眉頭說：「我發現同佢距離仍然好遠，要活生生喺一個殘酷現實之中！原來我仲喺起步階段，有時諗如果冇咗佢喺度，機會會唔會落喺我身上呢？諗吓真係有啲唔忿氣，阻住我發達！有少少討厭周秀娜囉！」

風頭被蓋感冇癮

不過Jeana的上位之路正是複製周秀娜，為了做最紅o靚模，更可不惜一切。她說：「成為新八模，咁就做咗周秀娜師妹，真係好想複製佢條路，做寫真女王。當然我認為自己有咁嘅能力啦！新八模無疑係我踏腳石，無奈呢塊踏腳石好細，新八模出一本寫真要八個分，我都算，點知嗰年八個女仔最有新聞價值係生過仔嘅Mia（陳靜儀），注意力喺晒佢度！」

周秀娜的成功，令Jeana既羨且妒。（資料圖片）

Jeana（左）與黃泆潼結伴出席活動，前者無懼尷尬談「車震」。

去年娜姐不出寫真，所以Jeana主動向公司叩門，誓要出個人寫真。她說：「機會終於畀我爭取返嚟，我知道自己做硬寫真女王！講真，周秀娜做到，點解我做唔到？真係好開心，寫真出嚟效果係預料之內，仲塑造咗一個敢言形象。」

入行前曾試「車震」

另外，Jeana與黃泆潼昨日到旺角鬧市出席活動。Jeana透露剛考獲車牌，希望購買新車，現有與一名圈外人發展。她笑言會為新車加強避震功能，問到是否為「車震」作準備？她笑說：「係上山睇日出。（mood到會唔會打野戰？）錫同攬就得。」但她自爆入行前試過與男友「車震」：「試過下啦，依家會避忌，畀人影到就大鑊！」