'12變大疤上週五（2日），文頌嫻於婚禮上即使化上濃妝，左眼眼肚仍見大條疤痕，小手術變破相，據知文頌嫻對此十分嬲怒。

淡出香港視圈多年嘅文頌嫻（文女），終於同拍拖3年多的商人李梓慎（Jason），上週五（2日）喺四季酒店筵開廿八席，順便宣布有喜3個月，雙喜臨門，一次慶祝晒。不過幸福背後都有煩惱，據知35歲文女喺08年因一時貪靚，幫襯一間星級美容院，做咗個只係價值$600的脫癦療程，不過脫癦變留疤痕，事後整容醫生仲叫文女做Laser（激光）淡疤，可惜文女做足兩年唔滿意效果，更搞到氣餒失自信，文女嬲爆，上年年尾決心從民事訴訟，搵律師向整容醫生追討賠償。


童顏文頌嫻入行近廿年，自1993年加入亞視拍電視劇後，00年轉投無綫拍劇，形象鄰家女孩，近年轉戰大陸淡出香港視圈，鮮有緋聞嘅佢，35歲終於成功脫離剩女之列做人妻。

$600脫癦出事
為了靚靚，據知文頌嫻搵過整容醫生，諗住執走左眼粒癦仔，可惜一個簡單脫癦療程留有疤痕，據知情者透露：「08年嗰時文女喺中環一間美容中心，用$600脫咗好似粒筆尖咁細嘅紅癦，一心諗住好似普通脫癦唔會出事，點知喺眼肚留咗條長疤痕，事後個醫生雖然同文女講可以免費為佢做一項類似激光淡疤的療程，點知文女做咗2年，唔滿意效果，之後俾人不斷叫佢再做其他療程，佢轉睇其他醫生先知條疤係永久傷痕，冇得整走，文女嗰吓成個人冇晒自信，好驚條痕會影響到幕前的工作，佢諗咗好耐唔忿氣，所以決定搵律師告佢同間美容院囉！」林醫生曾於美容網站Beauty Exchange做客席顧問醫生，專門解答醫學美容及「微整形」方面的問題，而本刊於週一（5日）到林緯洲醫生任職的美容中心查證，林醫生只話：「我唔會回應亦唔方便回應呢件事，我唔會講任何嘢！」週一（5日）下午，本刊致電文女問及此事，文女說：「呢件事都困擾咗我好耐，我都希望盡快解決，現階段我唔方便講咁多，我交晒畀律師處理。」雖然脫癦變留疤，但文女家都變幸福李太咯，都唔使驚咁多吖！

'08車廂激咀
未傳結婚前，文頌嫻曾被影到與現任老公於車廂激咀，家陣修成正果，恭喜晒！

'12群雌拱照
35歲文頌嫻於圈中人緣甚好，上週五（2日）跟商人李梓慎結婚，一大堆新舊TVB花旦更做姊妹賀出嫁。

告埋醫務所
被文頌嫻索償的林緯洲醫生，原本於中環的「保加生髮護膚中心」執業，如今已轉到位於銅鑼灣的一間美容中心工作，但文頌嫻的索償資料顯示，被告包括「保加生髮護膚中心」和林緯洲醫生，週一，本刊到「保加生髮護膚中心」詢問，林醫生是否因文頌嫻索償而轉職時，該中心職員只說：「唔回應，可能係佢自己想轉工啩！」

梁永鏗律師：只屬金錢賠償
據梁永鏗律師說：「任何人因疏忽引致某人受傷，當事人可從民事訴訟索償，控告對方賠償痛楚上的損失，但只屬金錢上的賠償，亦可以庭外和解，而要導致醫生釘牌，則要到醫務委員會投訴。」 ####


'05細癦仔未做手術前，文頌嫻左眼眼肚位其實只有一粒小瘡仔，但據知文頌嫻覺得十分礙眼，故不惜動手術割除，估不到自此長留疤痕。


文頌嫻95年拍過電影《4個32A和一個香蕉少年》，跟現在已是人妻兼媽咪的唐寧和淡出娛圈的何嘉莉做對手。


位於中環的「保加生髮護膚中心」，有報道指甚多圈中名人熟客，如張曼玉、陳嘉容及雷林靜怡等。


張曼玉


陳嘉容


九巴後人新抱雷林靜怡



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄