小豬同楊丞琳望住鏡頭愈黐愈埋，相當合拍。
台灣《壹週刊》圖片

早前羅志祥（小豬）首張日文single《Dante》正式喺日本推出，上月15號仲飛咗去日本宣傳，小豬經過此行即刻收到好消息，話佢係繼鄧麗君後第一位晉身日本公信榜前10名嘅台灣歌手，甚至被日本傳媒封佢做台版山下智久。小豬完成日本宣傳後返咗台灣，但轉頭就有網友話喺澳洲墨爾本見到佢，同行仲有佢嘅緋聞前度楊丞琳，網友甚至將佢兩個喺Federation Square（聯邦廣場）黐埋玩自拍嘅相上載上網。


CIA即刻打畀小豬嘅唱片公司金牌大風負責人，八吓佢兩個係咪復合啦，發言人話：「他們是去工作啦，要合拍一部短片。」CIA再收風話佢兩個的確係去澳洲為澳洲旅遊局拍短片。之不過小豬冇正印女友，楊丞琳又同拍拖2個月嘅台灣型男王陽明分咗手，二人喺澳洲拍片後有冇下文真係好難講。 ####


二人喺墨爾本景點Federation Square不斷企定定擺甫士，又玩自拍，網友話引嚟唔少途人圍觀。台灣《壹週刊》圖片


小豬同楊丞琳上年因拍《海派甜心》而啜出火，不過都係拍吓散拖冇結果。


楊丞琳為型男王陽明拍〈缺陷美〉MV又撻着，可惜呢段關係只係發展咗2個月就拜拜。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄