真面目
靠老細 魔鬼巨胸晒關係 32D蔚雨芯：我 13歲跟阿叻
自周秀娜剝紅兼轉型成功升呢，個個都想有樣學樣，連浸大 E神 Carol楊焉（前名楊梓瑤）都話要轉型，失蹤一排，最近忽然改簽阿叻陳百祥話要洗底兼封胸。
同屬阿叻旗下，早前拍攝旅遊特輯時，以迫爆 32D水着被封為「魔鬼巨胸」的蔚雨芯（ Rainky），更明白遊戲規則，索性大膽性感博一鋪。雖然同公司仲有個新簽楊焉，但 Rainky直認同阿叻關係密切， 13歲已跟阿叻搵食，擺明同其他女唔同 level！
19歲已有 32D驕人身材的蔚雨芯（ Rainky），中三時參加一雜誌校花選舉，雖然落選但被阿叻睇中收歸做殼王陳國強旗下「潮音樂」藝人，至兩年前再參選港姐再度落選，翌年再轉型歌手殺入娛樂圈，人仔細細，唔只胸前偉大，決心亦不小。
蔚雨芯同狄易達拍攝旅遊特輯《去吧！墨西哥！》時，憑呢一幕三點式示範捉魔鬼魚，而被網民封為「魔鬼巨胸」，稍有人氣。
身為叻哥愛將，拍完墨西哥特輯，又有得再同叻哥陳百祥主持《叻哥遊世界》，繼續遊埠歎世界。
上年轉型做歌手，出了首張專輯《 Raining》，在今年的勁歌金曲總選中獲新人獎、 Rainky攞獎時亦好識做，喺台上公開多謝老闆陳國強（小圖），叻女！
拋胸先有人識
167cm高， 48kg的 Rainky年紀輕輕已擁 32D、 24、 35的魔鬼身材，最重要係 Rainky肯露行性感，電車仔最緊要有肉睇。
Rainky一直強調自己係歌手，更直言想做唱歌版娜姐：「性感至少好過上年冇人理，我覺得𠵱家樂壇已死，每個電台電視台都有自己嘅遊戲規則。上年我點努力去唱歌都冇人知，都係要拋個胸出嚟先有人注意到，所以俾人叫『魔鬼巨胸』都幾好，容易記得我吖！」
公司多件 Carol爭食，但 Rainky自 13歲那年參加完雜誌校花選舉後輟學，即被阿叻公司經理人發掘，更有機會黐實阿叻和秀姑。本身就讀於屯門 Band 3的中華基督教會何福堂書院的她，中三開學 2個月就冇讀，她亦說與學校關係不佳，索性入娛圈博一鋪。「我 13歲就跟阿叻，佢好鍾意熱鬧又提攜新人，每年叻哥同志偉生日都會搞 party，叫埋我哋一齊玩，間中又會同成班 friend搞吓 K局，所以咪識咗譚校長（譚詠麟）、彭健新佢哋，全部都好提攜我㗎，好似彭健新叫我同佢夾 band，校長又會特登同我唱 K，聽我唱歌畀意見，多得校長我先有得翻唱佢首〈愛在深秋〉，叻哥又介紹杜麗莎教我唱歌。」
狂擦殼王鞋
叻黨霸地盤
蔚雨芯有份在叻哥的旅遊節目中跟港姐朱千雪（左）和岑杏賢（右）和楊焉等一齊出埠，蔚雨芯話：「我喺呢行冇乜朋友，得朱千雪最 friend！」
入行 9年的 JJ（賈曉晨）一直備受公司力捧，但自上年與樊少皇拍拖後，便開始無心戀戰，佢月前更透露打算無限期放假，師妹 Rainky上位好時機！《蘋果日報》圖片
曾被拍得與師兄狄易達跑步而傳緋聞， Rainky話同達仔已經 friend到冇嘢講，仲話嚟緊公司都會分別安排佢哋拍電視劇及電影，不過係乜， Rainky就話未講得住！《壹週刊》圖片
狄易達跳得而獲阿叻賞識，自殼王入主 TVB後，達仔喺 TVB亦多了演出，除了 11年有份參與《潛行狙擊》外，更連續 2年有份主持《安樂蝸》及旅遊節目。
V面疑似加工
參選港姐時，樣貌被稱為「翻版周秀娜」，有指她近年樣貌及身材與以前變化很大，懷疑她曾隆胸及整 V煞面， Rainky就回應話：「我仲有大把地方唔滿意，好似我對眼咁細，鼻又扁，如果要整，點解唔整晒全部吖！」
13歲圓潤
17歲 V煞
留言列表
{{ article.title }}
