娛樂八掛大放送★

港男畫廊出拳求婚羅樂林年尾嫁女

06年香港先生健力組冠軍陳志健昨日在 facebook公佈喜訊，宣佈與「甘草王」羅樂林的女兒羅苡之訂婚，他透露求婚過程十分浪漫，女友想了一會便點頭答應。不過，近日忙於拍劇的羅樂林直言未收到通知，並笑言﹕「最重要個女開心。」

羅樂林去年在電視上 24小時死了多次，連歐美多國都有報道，人氣急升，今年更獲頒「 2011風雲人物」第二位，想不到喜事一浪接浪，其女兒已與男友訂婚。

放大圖片

陳志健和羅苡之同愛畫畫，連求婚地點都選擇在畫廊。

放大圖片

羅樂林十分疼錫家人，但他坦言因工作太忙，仍未接到女兒答應嫁人消息。

演舞台劇撻着

羅樂林與第二任妻子陳寶儀所生女兒羅苡之，前年與趙世曾兒子趙式浩分手後，即與 06年香港先生健力組冠軍陳志健因合作舞台劇《鴨仔嘜》而撻着，兩人拍拖兩年多感情隱定，羅樂林早前亦開聲認定志健是未來女婿。昨日陳志健在 facebook公佈喜訊，宣佈與女友已訂婚。陳志健和羅苡之都喜歡畫畫，志健透露在畫廊送上驚喜，跪地向女友求婚，並且一擊即中，他說：「佢三月八號生日，佢啲朋友 book咗尖沙嘴一個地方同佢慶祝，切蛋糕嗰陣我送咗個拳套畀佢。其實之前我買咗隻戒指仔收埋喺個拳套度，佢戴拳套嗰時先發覺，最後就攞咗隻戒指出嚟。」問女友是否冧爆飯應？志健笑說︰「佢諗咗一陣，都 ok嘅。確實結婚日子未定，可能今年年尾。」

羅樂林感驚喜

終身大事都需要父母作主，不過近日忙於拍攝《雷霆掃毒》的羅樂林坦言未收到通知，他帶點驚訝說：「唔知喎，日日接通告，發生乜事唔知。我忙到連個女呢個月生日都冇時間同佢慶祝。」問可贊成二人婚事？他說：「都開心嘅，家係佢嫁，又唔係我嫁，但最緊要個女開心！」採訪：林妃、盧坤穎


陳志健跪地向女友求婚，羅苡之想了一會便答應。