北角賽西湖
面積： 1,640平方呎
月租： 7萬
市值： 3,800萬
麥玲玲住向海單位市值 3千 8百萬，她說兩個人住 嘥 咗 啲，所以租住比較抵：「交租就享受到呢個景！我𠵱家又成日返大陸，深圳都有間屋，唔使買啦！」
小報告麥玲玲
踩入玄學家風水屋 麥玲玲：靚屋唔使擺陣
中國人講風水，尤其農曆新年習慣聽玄學師傅大講生肖同風水，咁其實各位大師自己屋企又係點？滿屋神佛定擺晒大陣催運？
趁住仲係新正頭，本刊踩入四大玄學家屋企，麥玲玲住北角賽西湖住到唔願搬走、司徒法正寧願租 700呎蝸居唔住大屋。仲有新一代玄學專家、《怪談》皓云師傅屋企貼晒符似足鬼屋，靚女陳譽之養 咗過千隻鬼仔。玄學家風水陣一次過睇晒！
麥玲玲講風水講 咗十幾年，但環顧她近千七呎的賽西湖住所卻甚少風水物品，只得門口幾隻金蛋、水晶石、幾棵水晶樹等。她解釋：「風水師間屋應該係最少風水 嘢 嘅，因為揀屋已揀 咗個好區份，間屋靚風水就唔使擺咩陣啦，賽西湖 4、 5、 6座本身風水好、間屋又夾 咗我八字，如果要整十幾樣 嘢，你就有問題啦！」
位處北角半山的賽西湖樓齡雖然已達 35年，但勝在超實用，屬於香港老牌豪宅。
貝沙灣收租
玲玲家居布置簡潔，大廳牆身以白色、啡黃為主，露台及主人房面向維港海景，寧靜舒適。這 4房大單位月租 7萬，住了 4年一直順風順水令玲玲唔捨得搬：「之前用 2,178萬買 咗貝沙灣 1,502呎單位，但呢度住得好就唔想搬， 嗰度租畀人囉。我鍾意租人樓住，但買第二度，第時要搬唔使搞咁多麻煩 嘢！」
她說房間風水比較重要，所以主人房和書房選用旺她人緣及財運的粉紅色，丈夫何德的書房則用綠色旺他事業，兩年要髹一次油，而老公書房有張單人床：「我好多時晨早起身返大陸做 嘢，佢做得夜唔想嘈到我，我又唔想凌晨 4點嘈醒隔籬 嗰個，佢會自動自覺 瞓書房囉。睡房個衣櫃 喺宜家買之嘛！買 嗰陣仲撞到徐濠縈，佢都話買幾個，不過冇買咁大個之嘛！」搵到錢又識慳，至係明智風水師咁話。
玄關放金蛋
玄關位放金蛋有運財生財的意思，她說：「係個師兄送畀我，屋企 啲發財樹都係人 哋送，我好少買風水 嘢。」
水晶催財氣
大門附近放水晶石，同樣有催生財氣的作用，不過玲玲師傅話唔係人人適合用水晶，要夾八字。
粉紅旺人緣
粉紅色旺玲玲人緣，故此主人房牆身、被單、窗簾都用粉紅色：「成屋窗簾買 咗 3萬幾，呢 啲唔慳得。」
麥玲玲家中書房就以木為主調，物品如電腦就用粉紅色。
衣櫃多紅褸
麥玲玲於宜家家俬購買的衣櫃內，大部分都係紅色西裝褸，難怪每次見親佢上電視都必定紅噹噹。
富二代要夾八字
麥玲玲除咗幫明星睇風水，亦有不少城中富豪幫襯，玲玲更爆：「有個富二代成日帶女朋友嚟睇相同算命，如果發覺唔夾，佢會飛咗人，有時仲會帶埋阿媽一齊，拍拖似足對親家。」
靈探皓云大師 全屋靈符
在有線《怪談》同梁思浩齊齊探靈的皓云，因為樣貌似陳志雲，常稱皓云大師，今年 33歲，專長六壬大法，他說六壬跟茅山差不多，所以家中貼滿黃符，外人唔知以為係邪門。
烏溪沙翠擁華庭
面積： 930呎
買入： 299萬
市值： 710萬
皓云師傅的家居風水物以小巧為主，以免影響整體觀感。
皓云是《怪談》常用主持。
手寫符催運
皓云大師 99年以 299萬買入馬鞍山翠擁華庭 930呎 3房單位，坐北向南，他稱紫禁城都是同一坐向，而揀住翠擁華庭，是因為父母都住在同一屋苑。
他說六壬跟一般玄學唔同，是以寫符為主，所以家中財位、文昌位、凶位都貼上手寫符，他解釋：「其實同普通風水物效用一樣， 啲符全部係我 喺六壬壇前面寫，唔使大驚少怪 嘅。」皓云又說傳統風水要配合實際環境：「有 啲風水師教人 喺屋企中間擺盆水，咁點行呢，所以我會教佢 哋放藍色地壇代替，或者吊起 啲風水物品囉，總之要變通啦！」
玉璽保家宅
大廳靠牆放有祖師爺送贈的玉璽，有坐鎮家宅，保全屋安康之意。
吸財氣
客廳靈符寫上「玉路財神招財到此」，顧名思義以招財為主。
玄關位放有泰國平安像，皓云說：「媽媽幾十年 嚟每日唸經裝香，求財求平安，𠵱家分開住佢都每日過 嚟裝香 㗎！」
旺事業
皓云大師指大門是最重要之處，故風水物品特別多，左上角貼有增強事業運的靈符；右下角兩隻騾仔則有幫主人搬財回家的意思。
運財騾仔
司徒法正 植物旺財氣
紅磡向海單位
面積： 700呎
月租： 1萬 5千
司徒法正租住的單位沒有改建，沿用開放式廚房，他說風水上有被揭底細的危機，所以擺放了一排植物遮擋就冇有怕。
由澳門發 迹到香港，司徒法正原來兩年前才正式回流香港定居，而且唔住大屋，反而租住紅磡 7百多呎海景單位，幾件擺設就話可以盡收財氣入屋。
屬鼠唔開燈
司徒法正唔住大屋，而且盡量少開燈開窗簾，原來同佢性格有關：「風水最重要係睇個人，顏色光線要配合個人性格，我屬鼠，鍾意陰暗。 瞓得好 啲，精神好自己開心又聰明 啲！」
雖然只有幾百呎，全屋卻擺滿泥種植物，原來都有意思：「植物可帶動同帶旺財氣，例如姻緣唔夠，用水種植物可帶動人緣，但感情時好時壞；用泥種就慢，但聚氣持久 啲、穩定 啲。」
除咗種植物，司徒法正話擺風水都要配合時代：「其實現代好多新擺設都可以配合風水，好似以前擺瓷器化火氣，後生仔女擺瓷觀音，啲人覺得唔舒服唔靚，咁可以放瓷器狗仔呀，總之要迎合時代啦！」
吸水大象
一面窗邊放吸水象，則同時將海水流過之處的水氣回收，形成雙重吸財之效咁話。不過牆上仍掛住聖誕裝飾，師傅要換吓喇！
全屋最差的五鬼位落在廁所後面，因此司徒師傅毋須特別化解，只放了多盆植物旺一旺人緣。
魚缸納財
大廳有對流窗，水為財，向海一邊放魚缸有收納財富之意。
𡃁模種生機
近年幫人種生機出名的師徒法正稱：「之前有個出過寫真又話要出碟嘅𡃁模搵我種生機，想加強事業運，但係因為種生機有好多規矩，例如要捱 9刀，佢怕痛最終都唔敢做，世上邊有不勞而獲㗎。」
《怪談》陳譽之 滿屋鬼神
錦繡花園另花園車位
月租： 3萬
市值： 1千萬
二樓書房設有神壇，每天供奉及唸經，神像全部由泰國寺廟請來，拍照前她提醒記者要先參拜：「上次有週刊 嚟拍 嘢冇拜神， 啲相矇晒呀。」今次又真係冇矇！
今年 29歲的陳譽之是有線《怪談》嘉賓主持，有一半泰國血統， 16歲已在跟泰國師傅學習泰國法科，屋企及公司養了過千古曼童（俗稱養鬼仔）。
花園放鬼仔
單身的她住錦繡花園三層獨立屋，全屋通明開揚，與電影裏養鬼仔都是陰森恐怖的感覺有很大差別。陳師傅特別在花園集中安放古曼童，另在二樓書房擺放神壇，供奉四面神、象神、泰國鬼王等，一屋鬼神。
「我 12歲時鄰居養鬼仔，當時我參加九龍城歌唱比賽，貪玩祈求攞個獎，結果我季軍，冠亞軍都係大人，之後我 喺十八區都攞過獎，簽埋畀林慕德（八十年代紅作曲家），後來佢冇寫歌所以解約。」陳譽之續說：「 16歲就過泰國學法，唔好以為做師傅搵好多錢，其實搵幾多都要捐一半做善事，我每個月都捐 40萬。」不過她強調住大屋揸靚車是因為家底好：「爸爸係做海南島第一代 Benz出入口 嘅， 86年第一架 Benz係我 哋做出口， touch wood其實我真係唔使做，但我學法係想幫人。」她的偶像是麥玲玲：「好佩服佢又唱得又拍戲，所以我都錄緊歌，係一隻講自己出身 嘅歌，遲 啲會拍 MV同派台，我唔係想做歌星，只係好恨 喺紅館唱歌，做嘉賓就夠喇。」
家中養有幾百個古曼童，陳譽之特別在花園一個角落安放，並放有童裝衣服及男女童玩具，好詭異！
玩具氹鬼仔
金鏈奉鬼王
除泰國各種神，地上擺有紅色背景的泰國鬼神像，鬼神前面放有金鏈供奉。
陳譽之家底厚，住三層獨立屋更有兩部靚車代步。
玄學家愛揸樓
玄學家大部分都愛買物業等升值，其中又以李居明手持過 3億物業最富貴。而蘇民峰現只以每月 6萬元租住佐敦覺士道的 2,800呎單位，但手上持有鋪位達 11個，堪稱玄學界鋪王。
第 1位
李居明
物業總市值約 3億 4千萬
上水新祥街 20號 市值約 3千萬
九龍塘金巴倫道 20號 市值約 1億 5千萬
九龍塘金巴倫道 24號 市值約 1億 3千萬
北角珠璣大廈 市值約 3千萬
《蘋果日報》圖片
第 2位
蘇民峰
物業總市值約 2億 3千萬
中環地鋪 5個 市值約共 1億 3千萬
尖沙咀利時商場鋪位 6個 市值約共 7千萬
山頂環翠園 市值約 3千萬
《蘋果日報》圖片
第 3位
李丞責
物業總市值約 6千 4百萬
大埔淺月灣 市值約 3千 2百萬
大埔淺月灣 2期 市值約 3千 2百萬
《蘋果日報》圖片
第 4位
麥玲玲
物業總市值約 4千 1百萬
貝沙灣 市值約 2千 5百萬
中環嘉賓大廈寫字樓 市值約 1千 6百萬
第 5位
楊天命
物業總市值約 1千 5百萬
北角寶馬山花園 市值約 1千 5百萬
《蘋果日報》圖片
第 6位
留言列表
{{ article.title }}
