Beauty Hunt
陳柏宇師妹顏培珊 '13女聲好 Jazz
以唱作人身份進軍香港樂壇的顏培珊（ Shandy），今年 1月與另外 3個音樂單位加盟由 Sony Music策劃的「平原習作」計劃， Shandy亦正式成為陳柏宇師妹。
走 Jazz同 Bossa Nova風格的 Shandy，上月推出國語新曲〈 I Remember The...〉，即成為 iTunes單曲榜下載次數 No.2，僅輸畀 chok王林峯但撼贏祖兒。識作曲填詞彈結他， Shandy希望有機會為師兄寫歌，最重要梗係可以推出個人大碟。難得有新人唔係一味唱 K歌，樂壇唔使咁悶啦！
參加 Sony舉辦的歌場比賽被揀中簽約， Shandy入行前曾自組爵士樂隊 Platter周圍演出，到過 Backstage、 Fringe Club等唱 live騷，亦在不同商場表演。有機會成為職業歌手， Shandy話簽約前都掙扎過。「其實我細細個已經參加學校 Choir，對唱歌好有興趣，但畢竟屋企唔係有錢人家，經濟上都要考慮得好清楚。不過我知如果錯過呢個機會一定會後悔，所以決定正式入行。𠵱家都有做同藝術相關 嘅 freelance幫補，暫時收入都冇問題！」
早前跟師兄陳柏宇接受訪問，上週又有機會到新城宣傳，行出樂壇第一步。
唔一定要 K
現正跟容祖兒、何韻詩的歌唱老師 Christine Samson親生女 Krystal Diaz學唱歌， Shandy希望一直可以行唱作歌女路線。
「有人喺 K房唱我 嘅歌當然好，但其實好聽 嘅歌唔一定係 pop，例如王若琳，佢每一次出碟都有 啲新元素加入；另外我都好鍾意林憶蓮，佢唱 咗好耐，但佢仍然會做好多唔同嘗試，好似《蓋亞》入面有 啲 MV係好實驗性同埋拍得好靚，呢種活力係好值得 respect！」
識得搵長做長有的天后做目標，後生女唔係玩玩吓！
喜愛旅遊的 Shandy，愛將靚相放上 fb同人分享！側面睇（左），仲有啲似小巨肺林欣彤添！
正式出道個幾月， Shandy已可孖住「平原習作」另一樂隊 Trekkerz兩位成員 Pong（左）與 Mike（右）到廣州出騷！多啲表演機會，練大啲個膽嘛！
Profile
顏培珊（ Shandy）
身高： 168cm
學歷：香港大學畢業
最愛唱作人：王若琳 
採訪、撰文：湯勵貞
攝影：黎韋邦
化妝： Peace
髮型： Meegan
形象： Bryan@the Flaming
服裝： Bershka
留言列表
{{ article.title }}
