FBI
煎 Pang喪玩 Candy Crush？
無 綫除 咗力谷黃翠如外，另一個力谷 嘅一定係陳展鵬，最近就有佢兩個 孭飛 嘅《心路 GPS》。除 咗做宣傳外，煎 Pang亦拍緊新劇《單戀雙城》，該劇 3月仲會去馬來西亞取景添。前週四（ 21日）《單》劇 喺西九龍中心取景，拍攝煎 Pang回憶姚子羚 嘅場面。 FBI去到，以為煎 Pang會好努力咁同姚子羚夾戲，點知佢竟然同姚子羚坐到離行離列，又狂玩電話又篤又拉，仲唔係 Candy Crush？
當日姚子羚要唱關淑怡首〈只得一次〉，又唱得幾好喎，但點解把聲同關淑怡一樣 嘅？問番原來係咪嘴，不過姚子羚話：「時間關係拍 咗先，到時我會配番我原聲唱！」拍劇又唔係登台，咪嘴唱唔怪你喎！
煎 Pang呢排機不離手，就算上星期要清晨 5點幾起身跑馬拉松，都愛做「低頭族」，唔通打緊 Candy Crush？
煎 Pang同姚子羚喺新劇《單戀雙城》做情侶，但私底下就唔係好過電，隔住成個位坐，等埋位時煎 Pang仲掛住打機添。
姚子羚雖然咪嘴獻唱，但功架十足，唔留心聽真係俾佢呃到。
《單》劇煎 Pang同姚子羚及大波星人陳茵媺有感情線，繼剛拍完嘅《巨輪》，再加上年拍嘅《叛逃》，煎 Pang今年將會有 3套劇上，認真得寵。
全站熱搜
留言列表
{{ article.title }}
