《五覺》新咪神洗姣底蔡慧欣唔識擺甫士，攝影師幾經辛苦先叫到佢肯跪低，雖然甫士生硬，但勝在笑容夠甜。

男神J.Lin（林書豪）、唐英年、曾蔭權係hit，不過宅男最like嘅始終係囡囡。綜藝玩嘢節目《五覺大戰》播映兩週收視不俗平均高收28點。遊戲雖然熟口熟面，但最緊要配菜嫩口，8位神獸天使騷腿晒胸，梗有一個啱巴打。最先彈出係落選港姐34D蔡慧欣（Gemma），飄移拋胸搞到高登洗版，新咪神最近仲同主持金剛傳緋聞，上晒位。不過蔡慧欣上週為本刊拍照，死都唔賣性感，話要洗姣底：「唔想人地我個胸，唔想再有新聞喇！」


未到模寫真大戰，宅男睇女惟有睇住電視止渴，無綫的《五覺大戰》有8位神獸天使，自然成為網友新寵，其中第一集着護士衫玩飄移嘅20歲蔡慧欣拋胸率先跑出。去年選港姐傳出同巨乳謙（羅仲謙）行埋，變謙謙集郵女之一，家合作新節目，連主持金剛都話佢可愛，有意力追，異性緣旺。

唔知咩叫 發姣
由英國曼徹斯特回流返港嘅蔡慧欣，鬼妹仔性格樣cute又好身材，同金剛緋聞幾乎日日見報，不過蔡慧欣就唔太開心，上週二（28日）8位神獸天使為本刊拍照和訪問。各天使都有帶自己衫，惟獨佢冇帶，仲揀咗件最密實嚟着，Gemma撒嬌話：「密實啲唔緊要，我唔想人哋淨係我個胸呀，同埋我太多新聞，人哋實以為我特登做出嚟，其實我冇！」講到扁晒嘴，到影相時，港姐出身嘅佢，原來唔識擺甫士，對住鏡頭淨係識擺港姐招牌丁字腳甫士。她說：「我冇做過model，唔識擺㗎！（你咁姣都唔識擺？）我唔知咩叫發姣，我同個個都傾到偈嘅！」樣靚係多啲新聞㗎喇！

神獸怪胸人：唔夠蔡慧欣好睇！
8位神獸天使，除咗蔡慧欣飄移彈出，有怪胸人之稱嘅白雲（原名白雲鳳），亦憑36D迫爆身材彈起，白雲唔只有身材，原來家喺Open U讀緊創意寫作與電影藝術Year 2，北方人講國語唔奇，但白雲考埋國家水平測試，仲係一級畢業，她說：「我以前教中學國語，私人補習都有，成千蚊一個鐘㗎，前兩年中學普通話書我都有份編。（有冇眼紅蔡慧欣？）冇，都預咗啦，我都有份玩飄移，不過件衫好密實，唔夠人好睇！冇得比！」

《五覺》8神獸
暫時以蔡慧欣，白雲跑出，不過Starz People出身嘅馮秀華是8位之中最有型格，拍攝當日最識擺甫士，而19歲嘅黃梓柔最嫩，但有唔少高登仔粉絲。 ####


錢嘉樂唔覺佢發姣，佢好醒目！


金剛佢好可愛！


洪天明好學又聽話！


監製錢國偉傻大姐幾可愛！


飄移上位一幕飄移令蔡慧欣人氣急升，再度成為宅男女神，亦令不少網友cap圖。不過佢強調：「我當日係有打底㗎，我冇走光！」


去年喺英國曼徹斯特大學讀法律系Year 2嘅Gemma，選唔到港姐，現休學讀無綫訓練班。


撞正前度去年選港姐期間，蔡慧欣（綠裙）同羅仲謙傳出緋聞，前週六（24日）錄影節目時，二人表現無尷尬。梗係啦，因為家講緊金剛想溝佢，羅仲謙已過氣。


幫仔拎褸明知金剛對自己嗒糖，Gemma都肯幫佢拎褸，仲要喺廁所門前呆等15分鐘，好乖巧。


論身材，白雲贏晒，自備嘅吊帶衫盡顯其36D上圍。


8位天使當中，白雲最搏，雖然比較有肉地，連佢自己都話：「我哋北方人係咁，但我已經好努力減緊喇！」


白雲係上屆參選港姐，當日被指是怪胸人，她說：「我想着得成熟啲咋，點知搞成咁，我入唔到圍，我估都係因為咁！」



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄