46歲周慧敏
46歲的周慧敏 keep得好過唔少後生女，而且手持兩個物業包括跑馬地金山花園和東涌獨立屋，市值超過 4,000萬，拍劇純粹為興趣。
真面目
玉女復出 拍住卿卿毛毛 周慧敏《大時代》 21年後出山
92年的《大時代》除咗秋官丁蟹係電視史上經典，劇中周慧敏嘅慳妹一角亦深入民心，難得食 咗防腐劑的 46歲周慧敏，仍然 keep得住當年七成靚滑。
慳妹 keep到，據知無綫亦有意搵佢回巢幫手打今年的電視大戰。慳妹 21年後出山，由曾志偉拉線下，周慧敏拍住 47歲葉玉卿和 54歲毛舜筠， 3位好姊妹由盛女回憶過去，周慧敏同卿卿更有同性曖昧情。周慧敏再「炒飯」，三巨旦加埋 147歲，迎戰王維基。
毛舜筠是好戲之人，近年都有幫無 綫拍劇；而卿卿剛為無 綫拍賀歲片，雖然被傳為夫撲水，但據聞卿卿一於少理，繼續拍劇過戲癮。
54歲毛舜筠
47歲葉玉卿
周慧敏同無 綫多年來都保持友好關係，和樂易玲更加相識多年，去年樂小姐主動找 Vivian拍旅遊特輯， Vivian亦一口答應。據知旅遊特輯將於 7至 8月出發拍攝，會到 3個國家取景，當中更會加插 Vivian的經典歌曲，但原來旅遊特輯只係前菜。
經典慳妹
92年《大時代》周慧敏慳妹一角深入民心，難得佢𠵱家仲 keep住當年把長直髮，要再造經典應該冇難度。
志偉吹雞
《壹週刊》圖片
曾志偉同毛毛一向老友，今次負責搵人開戲，據知卡士一早諗好，只是 Do姐拒再拍劇， 4個女人變 3個女人。
少女同性情
知情人士說︰「樂小姐同 Vivian好 friend， Vivian春晚都返 嚟幫手，近年 TVB劇來來去去都係 嗰班人，加上班叫座花旦走晒，樂小姐咪試吓叫 Vivian拍劇，其餘卡士配搭就由志偉拉線，唔要熟口熟面 嘅花旦小生，都搞得七七八八 㗎喇！」
志偉做發起人，更學足《老表，你好嘢！》，找來外援創作團坐鎮，編劇呂筱華曾憑許鞍華執導的《天水圍的日與夜》得到「金像獎最佳編劇」，打造環繞 3個洗盡鉛華的女人故事，據知睇過劇本後，葉玉卿已答應拍攝，現在還欠本打算不再拍劇的毛舜筠點頭。
知情人士說︰「男主角梁家輝一早應承 咗， Vivian都好鍾意個劇本，預計年尾開拍，其實今次 TVB都好 揼本，單係卡士都唔平。今次個劇玩女人戲，講幾個好姊妹各散多年另有家庭後重聚，再回憶大家少女嗰陣嘅經歷，由後生演到老，而 V記同卿卿後生嗰陣，仲有過啲同性之情！卿卿傾故仔嗰時已經應承咗啦！」
上週四（ 28日）， Vivian單拖坐 7人車到天后學唱歌，問她是否返無 綫拍劇，她就非常淡定說︰「冇 啲咁 嘅事。」
本週一（ 4日）本刊致電 Vivian的經理人王敏慧，她說︰「拍旅遊特輯就聽過，其他都未有聽過，不過， Vivian同無 綫關係好好 嘅。」而樂易玲則說：「未有咁快落實唔講得住，志偉唔喺香港，等佢返嚟先，有消息再通知你哋啦！」呢次真係等睇好戲啦！
金像編劇出手
最拿手寫女人戲的「金像編劇」呂筱華，今次第一次為電視劇寫劇本，起初志偉的原意是由 Vivian、葉玉卿、毛舜筠和鄭裕玲合演，但 Do姐已宣布不再拍劇，最後只好將主力放在 3個女人身上。
故事講述 3個從小認識的好姊妹，長大後有各自家庭，直到有日重遇，再回憶過去故事，據聞 Vivian和卿卿的角色，讀書時期有同性曖昧的情節，曾在許鞍華作品《得閒炒飯》跟吳君如搞 Les的 Vivian，今次應該更加純熟。
呂筱華憑《天水圍的日與夜》得到金像獎「最佳編劇」，更令鮑起靜封后，無 綫終於肯試吓新 嘢！《蘋果日報》圖片
據聞影帝梁家輝亦已落實為 TVB拍劇，很大機會是跟卿卿飾演夫婦。
49歲倪震頹坐$2.3電車
自 08年與前城大女生張茆在夜店擁吻，「孔雀開屏」倪震和周慧敏分手後又結婚； 11年，母親李果珍不幸驗出患有乳癌，有指令倪震性格變得更沉靜，據知連谷祖琳和谷德昭等好友都少見。
而 49歲的倪震與友人合資的 JOE'S BILLIARDS& BAR，去年以月租 20萬於旺角開設第 3間分店，生意算有聲有色。本刊曾到 3間店鋪詢問，侍應都表示甚少見倪震落場，上週二（ 26日），倪震下午 3時坐 Benz離開屋企，先到太古城車行整車，再到附近的家電鋪行逛，之後就搭電車返回跑馬地住所，非常獨來獨往。谷德昭週日則在電話中說：「早幾日先見過佢，唔覺佢有嘢喎！」
全程電車，倪震都𠌥低頭玩手機，又不斷𢱑頭，直至到站先捨得收埋部電話。
倪震和周慧敏鍾情桌球，去年旺角分店開幕時，曾叫埋老豆倪匡、谷祖琳等好友撐場，但侍應話近年兩人都甚少落鋪， Vivian更加一年都唔見一次。《壹週刊》圖片
王晶分頭大搞
將發免費電視牌，無 綫自然不敢怠慢，而除了由志偉吹雞外， TVB亦已決定重金禮聘王晶回巢拍攝金裝豪華劇，更請來七料影后葉德嫻配新一代晶女郎童菲合演母女，劉愷威、馬國明亦有份參與，據聞葉德嫻每集收 25萬，破晒紀錄。
王晶以前經常搵葉德嫻拍戲，兩人私下亦老友， Deanie姐才肯為王晶返無 綫拍劇。
王晶 98年為亞視開拍《縱橫四海》，如今他幫無綫吹雞，葉德嫻亦出山再拍劇，成為王晶御用鐵腳。
留言列表
{{ article.title }}
