吳鎮宇雖然話自己一着咗靚衫自然就變成女人，不過佢呢個人妖look其實都仲係好man，搞笑多過悲情喎。

無綫今年重頭劇《衝上雲霄2》落實5月開拍，TVB終於成功游說「Sam哥」吳鎮宇出山。吳鎮宇再演型仔機師萬眾期待，但原來一向勇於試新嘢嘅鎮宇上年低調接拍許鞍華執導嘅短片《我的路》，更於片中扮人妖。扮扮吓機師轉扮女人，已經過咗50歲生日嘅震宇唔覺核凸，反而好享受，「我一着咗靚衫自然就變成一個女人。」


片長約20分鐘的短片《我的路》其實是收錄在集合4套世界各地短片的電影《美好2012》。《我》片導演許鞍華話睇中鎮宇夠「man」，「呢套戲係我哋第一次合作，我想揀一個好man嘅人去演，咁先有對比。套戲題材大膽，不過內裏絕對無大膽鏡頭。」

鎮宇：「我內在有一份艷麗」
《我》片講述已婚並有一個仔嘅鎮宇一直有一顆女人心，更渴望變做女人，結婚後忽然發覺要行番自己想行嘅路，所以決定變性，更為咗變性同老婆梁琤炒大鑊。入行30年，攞過金馬影帝，扮變性人當然都難唔到鎮宇，佢話：「我當然要墊大個胸同扮女人聲，開拍前我仲同過2個變性人見面學嘢。」平時man爆的鎮宇更似乎很享受扮女人，「呢個世界太多世俗眼光令人壓抑自己。我一着咗靚衫自然就變成一個女人……唔知點解我內在有一份艷麗。」如果《衝2》劇本寫到Sam哥有易服癖，相信鎮宇都唔會say no！


《美好2012》由4套來自世界各地嘅短片組成。韓國短片，由金泰勇執導嘅《你何止美麗》嘅男主角為咗呃重病父親，等佢可以放心，不惜用錢買個假女友，最後當然戲假情真，故事溫馨。《美》片於香港電影節共上映3場，網上門票已售罄。

奇洛現身
今年嘅香港國際電影節已經去到第36屆，將於3月21日至4月5日舉行，今年放映的電影來自50個國家，當中更有多部國際猛片。而奇洛李維斯更會提早喺3月18日嚟電影節出席講座，不過官方公布觀眾名額已滿，但3月9日仍然可以嘗試後補登記，K迷一定要撲飛喇。 ####


鎮宇話其中一個笑位係有一幕佢想攞剃鬚刀片割脈自殺，點知佢將刀片整跌落地，佢用手執起時唔小心傷手指流血，咁佢就好自然咁用女性尖聲叫咗出嚟，仲好似女人咁用口啜走啲血。


扮過王菲鎮宇早喺00年嘅TVB節目《真過癮時代》扮過王菲，呢個「S」形甫士相當噁心。


飾演鎮宇老婆嘅梁琤面對老公忽然話要變性當然反對，兩公婆更經常為咗呢件事炒大鑊。


許鞍華話《我的路》題材大膽，但絕無三級鏡頭，佢亦只會安排呢套戲於電影節上映而不會當正常電影咁喺香港及外地公映。



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄