James和媽媽胡太拍住上創業，令母子感情增進不少。

創業通

《居家兵團》真人版　 80後男生搞陪月中介公司

2013年03月06日 ~~ 第1102期交易通．搵車快線

男人老狗開陪月中介公司，會不會缺乏說服力？ James的媽媽是金牌陪月員，令他知道有關陪月知識，見新一代年輕媽咪對陪月服務需求愈來愈大，他在媽媽的幫助下開設中介公司，兩母子拍住上，媽媽統籌陪月隊伍，而 James負責做推廣及培訓，連 2年多前播映的電視劇《居家兵團》都以他母子作為藍本，可見他們提供的服務有一定水準。現時他們月入約 3萬，賺錢之餘，更幫助有需要的中年婦女加入陪月員行列，十分有意義。

陪月員面對多挑戰

《居家兵團》劇照

還以為男生開陪月中介公司缺乏說服力，但 James對這方面的知識十分熟悉，全靠他的媽媽胡太，她是行內知名的陪月員。連 2年多前的電視劇《居家兵團》也以他們的故事作藍本，「劇中多數圍繞客人嘅情緒問題，幾寫實。但一個陪月員所面對嘅挑戰點只咁少，小至要求煮西式晚餐、大至拆解婆媳關係，所以我阿媽真係好叻，佢做埋陪月姐姐嘅輔導員及軍師，我從中學唔少嘢。」
今年 32歲的 James， 03年畢業於城大人力資源系，他曾在貿易公司的人事部工作，負責培訓事宜，直至 08年與媽媽合資 10萬開設陪月中介公司，所以他將自己的經驗應用到陪月中介公司上。「由於媽媽做陪月員，我見近年對陪月員嘅需求愈嚟愈大，仲好受年輕媽咪歡迎，但我媽媽一年最多接到 10個客，所以諗到開中介公司，由媽媽統籌陪月隊伍，而我負責做推廣及培訓。」
James媽媽胡太說：「覺得阿仔打工發展有限，反正佢唔抗拒我呢行，起初我同幾個師奶接 freelance做陪月，阿仔畀咗好多意見，又話我哋應該有規模咁做，我就提議不如兩母子拍住上，做咗 partner後睇到阿仔好多面，佢好投入，𠵱家當咗佢係我個 friend。」

陪月員面對多挑戰

還以為男生開陪月中介公司缺乏說服力，但 James對這方面的知識十分熟悉，全靠他的媽媽胡太，她是行內知名的陪月員。連 2年多前的電視劇《居家兵團》也以他們的故事作藍本，「劇中多數圍繞客人嘅情緒問題，幾寫實。但一個陪月員所面對嘅挑戰點只咁少，小至要求煮西式晚餐、大至拆解婆媳關係，所以我阿媽真係好叻，佢做埋陪月姐姐嘅輔導員及軍師，我從中學唔少嘢。」
今年 32歲的 James， 03年畢業於城大人力資源系，他曾在貿易公司的人事部工作，負責培訓事宜，直至 08年與媽媽合資 10萬開設陪月中介公司，所以他將自己的經驗應用到陪月中介公司上。「由於媽媽做陪月員，我見近年對陪月員嘅需求愈嚟愈大，仲好受年輕媽咪歡迎，但我媽媽一年最多接到 10個客，所以諗到開中介公司，由媽媽統籌陪月隊伍，而我負責做推廣及培訓。」
James媽媽胡太說：「覺得阿仔打工發展有限，反正佢唔抗拒我呢行，起初我同幾個師奶接 freelance做陪月，阿仔畀咗好多意見，又話我哋應該有規模咁做，我就提議不如兩母子拍住上，做咗 partner後睇到阿仔好多面，佢好投入，𠵱家當咗佢係我個 friend。」

James公司上年獲 ERB頒發人才發展計劃傑出僱主獎。

James不斷諗橋為公司增值，推出不同課程，如產前湊 B班，極受歡迎。

參加比賽宣傳公司

客人 Carrie
朋友介紹我去好安心搵陪月，佢哋服務好全面，我未生已經提供咗好多產前產後資訊，等我冇咁驚青，陪月姐姐好有經驗同心機。

開業這 7年來，除靠媽媽的經驗儲到口碑和熟客外，亦因 James參加各項創業比賽和在搜尋網買關鍵字，成功宣傳公司的服務。「我哋贏咗幾個創業大獎，好似上年攞到香港優質顧客服務協會中小企業優質顧客服務大獎，對提升公司嘅知名度好有幫助。」最初成立公司，連 James媽媽在內只有 30位陪月員，全盛期約 70位，到現時的 40位精英，全因 James於 3年前成立培訓中心，培育陪月人才，「阿媽𠵱家都收山，主要做統籌，培育多啲人手，反而有助業務發展。」
此外， James不斷為公司增值及提供額外服務，「我成日同媽媽交換意見，佢反映到前線市場嘅需要，好似日本 311地震後，好多人停用日本奶粉，一窩蜂轉餵人奶，我配合即提供餵奶講座，及請護士返嚟教番啲陪月姐姐有關餵人奶嘅知識，亦喺 11年開始安排護士上門教每個客人餵人奶。」 James媽媽必定會探訪每個客人，並交流湊 BB的心得。

推出天書提升形象

James與媽媽合力編製陪月天書，送贈每個客人。

為了提升形象， James於上年書展推出了自家製的產前產後天書，「出書嘅好處係畀客人喺生 BB前先作了解，到陪月姐姐嚟到，客人會明白點解佢哋會咁做嘢；其實唔係個個人都會請陪月，我希望本書幫到更多媽咪之餘、亦有助我哋嘅公司名喺媽咪界流傳。」
James坦言請護士和出書，媽媽曾有怨言，「起初媽媽反對我搞咁多嘢，請個護士上門，簡直高成本；另外佢要為本書提供內容及安排影相，佢話出書係多餘，只要陪月姐姐做得好就夠。但當本書推出後，全公司有份參與嘅陪月姐姐都好興奮，同埋有客人喺書局買咗本書後嚟幫襯，媽媽開始改觀，認同呢啲做法係有成效。」
James還很貼心，在書的餐單內容加入英文版本，方便外傭閱覽，見反應不錯，於是 4個月前他乘勢推出外傭育嬰訓練班課程，$700三堂，結果反應一般。「好多顧主都唔想投資喺外傭身上，之後我哋專搞婆婆嫲嫲陪月班，同樣$600四堂，幾乎場場爆滿。」其後 James與再培訓局合辦陪月課程，希望公司發展得更全面。

幫助婦女重投社會

現時陪月中介公司月賺約 3至 4萬， James笑言這間公司賺不到大錢，但很有意義，「好多中年女人，當中有啲單身、有啲丈夫失業、有啲被炒，我可以將佢哋培訓成陪月員，帶返去勞動社會，我覺得好有意義。我哋每月收費$12,000至$18,000，同陪月姐姐分賬，佢哋 8我哋 2。」
創業最大的得益是增進了兩母子的感情， James媽媽說：「通常我哋會約客人喺餐廳見面，最初 James想了解呢行運作，試過偷偷哋扮路人甲，睇住我帶陪月姐姐去見工。」 James搶着說：「我最初仲迫阿媽着裙着套裝去帶姐姐見客，原來唔 work，改用𠵱家嘅桃紅 polo衫，感覺既實務又有活力，個 image好好。」 James媽媽扁嘴，說穿裙見客很不自在呢！

HR出身的 James最拿手搞培訓班，他覺得要把陪月生意推廣更全面，要培育更多專業陪月員。

陪月員美雲姐
經好安心接到好多 job，而且公司會不時提供市場最新資訊，又有培訓，好似近年興餵母乳，公司都會向我哋特別講解，等我哋識得教客人。