11月 10日，張可頤 5小時內三度發微博，鬧爆對手天資不足卻工作散漫，又自言「快爆了！」可見她真係俾人激到生蝦咁跳！

「飛上枝頭」的陳山聰，自從成為賭王女嘅男友後，對娛樂圈無心戀戰。為了還合約債，接拍李添勝新劇《天梯》。不過，復工以來，頻傳陳山聰遲到早退兼要求減戲份，是非不絕。
早前，《天梯》女主角張可頤突然在微博連環發炮，鬧爆拍劇時有人「天資不足，又自大自滿，工作散漫」，矛頭直指陳山聰。

正在趕拍的新劇《天梯》，未播已新聞多多，這齣「準何家女婿」陳山聰「復出」之作，早已成為傳媒焦點，其後又傳主角張可頤同陳茵媺為爭戲份不和，一波未平一波又起。



微博三度插聰

慘得過我有女友照！（設計對白）女友超雲鋪鋪幫出頭，難怪陳山聰的氣焰愈來愈盛。《蘋果日報》圖片

兩度微博鬧爆



14日晚，求證張可頤微博鬧的是否陳山聰，她不願多講便匆匆離開！

而貫穿整套劇的女主角張可頤，戲份由頭帶到落尾，每天由早拍到夜，外景接廠景，之前更捱病冧廠。上周五，張可頤突然發火，在微博大鬧：「可憐有人天資不足，又自滿自大，終日工作散漫，不思進步。」言詞辛辣。不足兩小時，再次發火。「能不能成功要看自己造化，一分耕耘才會有一分收穫。」又明言嬲到「要爆！」火藥味極濃，矛頭直指陳山聰。
據幕後人員爆料：「陳山聰試過幾次突然 no show，搞到啲期亂晒。拍親早戲，佢又例必遲到，但套劇係添哥點名搵佢，就連樂小姐都俾面探佢班，大家邊敢出聲？加上陳山聰都好識做，成日萬歲，不過張可頤似乎唔受佢呢套。二人結怨係有次與陳山聰拍對手戲，他不停 NG，張可頤寸爆問佢：『你淨係萬歲，唔識做戲 㗎？背熟劇本未？』」

遲到早退搞亂檔

11月 14日，記者向剛拍完通宵戲的張可頤求證。當晚八時許她準備入廠化妝，一見記者即用手遮臉：「未化妝唔好影相。（你喺微博鬧 嘅係咪陳山聰？）唔再講喇。（佢係咪成日 no show同遲到？）唔好問我。（係咪要講嘅喺微博講晒？）總之冇嘢要講！」然後一支箭衝入廠。
11月 16日下午 5時許，陳山聰從三太大宅出來，到太古廣場的 I.T攞衫，記者上前問他張可頤微博炮轟一事，他卻以趕時間為由，急急腳走人。
當晚《天梯》的通告本來安排他九時半要返廠化妝，但十時半仍未見他出現。陳山聰幾次遲到、 no show，難怪張可頤㷫到爆燈。



你有你鬧，山聰繼續在微博晒幸福， show完超雲送的板鞋，再 show女友自製相架，勁骨痺！

陪女友遲入廠


 

11月 16日，陳山聰先陪完女友再去金鐘的 I.T攞衫。記者問他會否送禮賀賭王生日，他說：「會，但同超雲分開送，選咩就唔講啦，要保持神秘，到時俾賭王驚喜。」本刊再問他被張可頤微博炮轟一事，他即急急腳走人兼打電話，隨即便上車返回陽明山莊寓所。

首日開工冇影


 

陳山聰自戀上賭王女後，被幕後指他扮大牌，經常遲到。他拍新劇《天梯》，首日復工已經冇影，激嬲男主角陳豪及黃德斌。

開工遲粒半鐘


 

口口聲聲話自己冇失場的陳山聰， 10月 29日在民初街開工時，遲到個半鐘仍雙手插袋施施然至埋位，與劇中大老闆角色入形入格，難怪辣㷫同劇阿姐張可頤。



鬧嘅唔係茵媺！

聽到張可頤鬧劇中人，陳豪急護女友：「鬧 嘅唔係茵媺，唔係偏私，今次茵媺真係演得好好，至於張可頤同陳山聰 嘅瓜葛。我就唔清楚！」



有冇用心去拍，到時大家就會睇到！

劇中男角黃德斌亦暗寸有人拍戲唔用心：「其實一個演員有冇用心去拍，套劇播時大家就會睇到，唔使多講。我眼中茵媺絕對係一個勤力演員。」

是非男女

一向寸嘴的張可頤，非善男信女，撞 啱個同樣惹火的陳山聰，唔爆火就奇。

張可頤
與宣萱不和


 

97年，與宣萱合拍《難兄難弟》，宣萱篤爆張可頤經常遲到兼失場，兩人展開 駡戰，張及後更講到明唔再與宣合作。

攞視后寸爆

03年，張可頤憑《九五至尊》奪視后，寸完郭可盈欠代表作，又寸阿佘︰「或者叫佢下年勤力 啲啦！」林文龍即代反擊，指張勝莫驕，又暗寸她拍劇經常遲到。

陳山聰
鬧爆周柏豪

今年 2月，陳山聰在微博炮轟︰「唔該有 啲人唔好利用人 哋個名見報啦！」及「不知所謂」，矛頭直指與何超雲傳緋聞的周柏豪。而被 駡的周柏豪亦微博反擊︰「盡情朝我開火吧！」

辣㷫伍姑娘



《蘋果日報》圖片

今年 10月，伍詠薇自爆收到一位朋友的絕交電話，矛頭直指陳山聰。事後，伍姑娘的好友陳敏之等紛紛幫拖，大 駡有人被金錢衝昏頭腦。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄