旅行旅遊泰國曼谷 Central World 內置溜冰場　整容重生 @ 娛樂八掛大放送★

雪：「 Central World？乜唔係炸咗啦咩？」冲：「炸你個頭，咁大隻字寫住"NOW OPEN"呀！商場喺 9月底重開咗啦！」記者、攝影：曾冠輝Model：孫慧雪

其他副刊影片全面大修後八成重開放大圖片
■曼谷唯一商場內溜冰場，雖然係細咗啲……

■曼谷唯一商場內溜冰場，雖然係細咗啲……

無見 Central World一排，肥咗又靚咗！不得不佩服，短短四個月時間，工人輪班日夜趕工，慘被毀容的 Central World已經執番靚個樣重新開放。目前已開放約原來的八成，都不是當天劫難的重災區，損毀較嚴重的部份仍在修繕，預計明年 8月完全重開。眼前這「八成」，其實是因禍得福。商場見反正都要整，不如順便來個大裝修，連未有損毀的部份都能受惠。重開的 Central World較以前光猛，多了不少綠化和藝術佈置，還引進了不少新店新品牌。 7樓整層更是個美食花園，東南亞美食都可以找到，還有大型超市售賣各式食材或手信。最重揼本，要算是曼谷首個在商場內的溜冰場，花費足足二千多萬港元。細係細啲，不過行到身水身汗入去凉快凉快都幾過癮。

Central World

地址： 999/9 Rama 1 Rd, Patumwan, Bangkok網址：http://www.centralworld.co.th

踩過凹凸路試過至買放大圖片
■幾乎成套潛水 gear試上身，一樣無詐型。

■幾乎成套潛水 gear試上身，一樣無詐型。

重臨舊地，第一站唔係乜乜物物潮店，而係體育用品店，是全曼谷最大的一家。 Supersports不是齋賣籃足排球衣波鞋咁簡單，偏門到士碌架、潛水，連馬術用具都有。唔止有得買，仲有得試，只因一句：「啲嘢唔試過，點買呀？」除了衫褲鞋着上身，仲有單車，整埋凹凸路面俾你試踩；籃球可以拍兩下，仲有籃球架可以試吓入樽手感啱唔啱；高球桿平時只可以揮一揮空氣，呢度有埋波同布幕不特止，仲有電腦幫你計算埋球速；最精采係可以好似阿雪，潛水 full gear上身，咬埋喉管喺店內扮潛游，嚇到 sales走夾唔唞。想睇實況快 click入網上睇片！

放大圖片
■呢條石春路仲難行過獎門人嗰條呀！少女系白色摺車$3,205

■呢條石春路仲難行過獎門人嗰條呀！少女系白色摺車$3,205

放大圖片
■呢件係泰國自家發明焗汗減肥衣，本來專為拳手減磅用，推而廣之亦變成女士恩物。$100-$200

■呢件係泰國自家發明焗汗減肥衣，本來專為拳手減磅用，推而廣之亦變成女士恩物。$100-$200

放大圖片
■揮桿處唔止得塊布幕，仲有電腦即時計算球速，更加清楚支桿啱唔啱你。

■揮桿處唔止得塊布幕，仲有電腦即時計算球速，更加清楚支桿啱唔啱你。

放大圖片

Supersports

地址： 3/F, Zone A網址：http://www.supersports.co.th

翟道翟起家茶檔放大圖片
■花果茶 Sweet Ripen Red Passion$51

■花果茶 Sweet Ripen Red Passion$51

Central World實在太大太多嘢行，足可將人困住一整日。即使累到不能，都仲有 tea house俾你坐坐回一回氣先。 KarmaKamet最早期其實在翟道翟起家，擺地攤賣 spa香氛用品，賣賣吓賣到開舖，舖頭越嚟越大格調越來越高檔，繼而進駐 Central World，都咪話唔巴閉。今天， KarmaKamet最出名已經唔係飲茶，而係無酒精的 mocktail，其實都啱，出面熱辣辣飲乜鬼嘢茶，飲杯冰凉的 Tropical Ginger Sky好過，再加件超酥脆 Butter Wind，作為中場休息的 afternoon tea啱晒。

放大圖片
■ Butter Wind超酥脆的。$18

■ Butter Wind超酥脆的。$18

放大圖片
■此店 mocktail確是做得不錯。 Tropical Ginger Sky（左）及 Matcha Rouge Passion各$35

■此店 mocktail確是做得不錯。 Tropical Ginger Sky（左）及 Matcha Rouge Passion各$35

KarmaKamet

地址： Zone C, 2/F

啤酒移植上身

周不時會喺曼谷街邊檔見到印有泰國啤酒牌子的 tee，其實統統是盜版貨。與其見人家拎自己嘜頭通街印，不如自己攞番嚟做，印袋印 tee之餘再請 designer設計自家品牌，實行發展多條水，撈埋時裝。我說的是泰國啤酒 Singha。還以為只有簡單印上 Singha logo的 tee、 tote bag等，但原來 Singha Life是 Singha Beer旗下時裝品牌，找來幾位泰國本土頂尖設計師，店裏街頭服或斯文 look，恤衫、 tee、西裝褸、牛仔褲等全有，全部入型入格唔 hard sell。

放大圖片
■背心$305

■背心$305

放大圖片
■呢套上衣和手提袋已是全場最 hard sell的設計。背心$331、牛仔褲$690、袋$1,279

■呢套上衣和手提袋已是全場最 hard sell的設計。背心$331、牛仔褲$690、袋$1,279

Singha Life

2/F, Eden Zone網址：http://www.singhalife.com

場外隊啤至凌晨

由朝行到晚，一出商場門口，見五個大舞台 live band熱鬧非常， Roger解話：「泰國人愛喝啤酒，秋天凉凉哋最好出戶外隊啤，每晚唔同地方都有呢種 Beer Garden，就好似啤酒節，有得飲仲有 live band睇！」 Central World外的 Beer Garden算是曼谷的主戰場，並排五家啤酒品牌各據陣營，當然包括 Singha。走入 Tiger場區，未夠八點已坐滿人，門外冒出一條人龍等位。眼見每枱梗有一大碌冰凍啤酒，足有三公升，成枱人 share輪住自斟自飲都幾過癮。過隔籬大象啤仲墟冚，人龍長到差點入咗商場。場上啤酒仲大碌，五公升容量可謂全場最大支嘢， live band或 pop或 rock按時上演至凌晨。 Beer Garden一直進行到除夕，當晚仲有特別活動玩倒數，一定 high爆！

放大圖片