莎莉跟阿 Lam結婚多年，就算冇婚變傳聞，亦絕少見佢哋公開煙韌。不過阿 Lam俾莎莉突然其來嘅大動作搞到有啲愕然兼措手不及。

早年曾經傳婚變嘅林子祥同葉蒨文，傳足七年仍然冇簽紙離婚，即使有指兩公婆分房瞓，但佢哋人前人後都 keep住表現恩愛。
上周二（ 8日），媽咪姐喺香港機場見到阿 Lam兩公婆出巡，佢哋一齊去 check in櫃位，準備出發去美國三藩市會合李克勤登台。初頭以為莎莉會同行啦，點知過關入閘時，佢竟然同阿 Lam嚟個 goodbye kiss。噢！原來莎莉只係去送機咋。媽咪姐問莎莉點解唔陪老公一齊去。佢同以往一樣都係十問九唔應，不過今次好唔同，佢一味笑之餘仲攬實老公錫晒，實行以行動表現夫妻感情好好！

 



年將半百嘅莎莉，身形依然 keep得好 fit，原來打羽毛球真係可以修身㗎。

多年前有傳莎莉因迷上羽毛球而與教練楊尚仁（右）撻着。導致跟阿 Lam婚姻傳出危機。

阿 Lam今次同克勤去三藩市登台，兩位都係有家室之人，克勤就歸心似箭，話要 48小時內完成工作返家陪老婆盧淑儀慶生，但阿 Lam就賴死唔走，仲叫克勤陪佢留喺美國打高球！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄