追到氣咳（設計對白）郭晉安接咗阿仔就趕住走，難為跟喺後面嘅歐倩怡追到皺眉頭。

郭晉安最近拍緊《東西宮略》，係人都知開親劇，都會俾無 綫扯到盡，唔係人咁品！不過，呢個廿四孝爹 哋寧願放棄 瞓覺時間，都抽時間同歐倩怡去接囝囝令山放學。點知撞啱落雨，安仔唔等埋老婆，就拎住件「小鳳姐波點」雨褸衝去學校，驚死要囝囝多等一秒鐘。歐倩怡惟有冒雨跑去學校會合兩父子，然後幫囝囝拎書包。不過有仔萬事足 嘅安仔，擔住把遮拖住乖仔，急急腳走人，完全無理俾雨淋 嘅老婆，搞到歐倩怡踢住拖都要「嗱嗱聲」追住，好鬼狼狽！

歐倩怡爭氣

講開又講，大家咪睇歐倩怡依家成個師奶仔咁款，其實佢 喺 97年唱《櫻桃小丸子》主題曲〈問題天天都多〉都唱到街知巷聞㗎！周日（ 13日），佢就孖住安仔一齊出席小丸子 嘅活動，媽咪姐仲八到，今次大會邀請呢位真人小丸子同老公一齊出席活動，花費要成 30萬！嘩！咁賢良淑德又帶挈老公搵錢，安仔真係要錫住老婆嘞！



好在郭太大方得體，自行繑實老公。不過，安仔都曉得遮埋老婆，算佢啦！

已經收山專心相夫教子嘅歐倩怡，呢日再唱番佢隻首本名曲〈問題天天都多〉，冇走音之餘仲做晒動作鬼咁投入，態度勁親民，台下唔少街坊都睇得好開心。

郭晉安夫婦甚少孖住出席公開活動，今次安仔賣晒口乖，話當年聽到小丸子呢首歌開始留意對方，不過當時歐倩怡得 17歲，要等佢 18歲先正式追求，純情過依家啲青少年好多喎！

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄