Kelly佗咗三個月有多，胸脹兼肚仔開始突突哋，件衫都唔覺意扯高咗，露出幸福小肚皮！\n

恭喜！恭喜！早前痛失孖胎嘅陳慧琳又有咗嘞！周三（ 16日），平日貪靚到死嘅佢，出席一個時裝活動時，竟然棄高跟而着平底鞋，仲有大棚人傍住出入。一班記者即時醒水，問佢係咪有咗？

「係呀！（有咗幾耐呀？）總之依家可以講得啦。（會唔會停工待產呢？）電影就唔會再接住，不過出吓 function、拍吓廣告，輕巧啲嘅工作，都仲會做㗎！」啱啱有咗嘅 Kelly，只係圓潤咗少少，精神又好，醫生亦叫佢唔使緊張，一切 ok。咁就好啦！媽咪姐喺度祝 Kelly生個肥肥白白嘅 baby，一家四口， sweet到爆呀！



仲有幾日， Kelly就拍完賀歲片《八星抱喜》，可以返屋企專心養胎兼陪蝦餃仔劉昇。遲啲劉家又有新成員，仲熱鬧呀！

今年三月， Kelly在 blog內自爆小產，痛失孖女。依家再度有喜，出出入入都有助手髮型師化妝師等圍成人牆保護，非常小心。

arrow
arrow
    文章標籤
    陳慧琳又有喜！ 忽然1周 851期
    全站熱搜

    stacylife 發表在 痞客邦 留言(0) 人氣()

    E-mail轉寄