周三（ 16日）下午 3點，女神現身銅鑼灣世貿廣場做亮燈儀式。成個商場逼咗幾百人，粉絲不斷用國粵語大嗌「沈佳宜」同「陳妍希」，場面混亂又墟冚。

票房直逼六千萬嘅《那些年，我們一起追的女孩》，仲勁過星爺嘅《長江七號》！老實講，媽咪姐最初都估唔到佢會咁賣座，但睇完之後，的確感到青春返晒嚟，即刻諗起以前俾隔籬位男同學扯孖辮嘅情景。咳咳……媽咪姐都青春過、俾人追過㗎！所以話，「少女情懷總是詩」呢啲嘢，真係永遠都有 market嘅。

當然，劇本雖好，都要有俊男美女「扶持」。以 28歲「高齡」演繹出高中女生味道嘅陳妍希，媽咪姐真係服晒！佢天生童顏唔在講，啱啱旋風式嚟香港兩日出席活動，表現亦大方得體，有求必應。好似明明俾助手扯住，都仲要幫 fans簽名影相， sweet到咁，點會唔成為宅男女神，冧盡老中青男 fans吖？
據聞因為《那些年》大賣，「女神價」亦百級跳，片酬由大約 2萬幾港元跳到 200萬人民幣，單人出騷價就由大約 5,000港元跳到依家嘅 50萬元。不過女神就笑晒否認：「太誇張了！不過是跳升得蠻多，應該有 10倍吧！」而據今次邀請女神來港嘅公關透露，陳妍希出現短短四十五分鐘，已經袋咗六位數字港元酬勞落袋。不過，女神無扭計無特別要求，只係話要食蛋撻同雞蛋仔咋！噢，個人咁 nice又易養，難怪一班港男輕易就俾台灣嚟嘅陳妍希攻陷啦！姊妹們，學嘢嘞。



女神襲港，半百傳媒恭候採訪，勁！

一套《那些年》，紅咗陳妍希同柯震東，仲合唱咗首〈漂流瓶〉。下個月，柯生會嚟香港宣傳新碟，女神都會嚟出席活動。

女神即刻將自己喺香港食叉燒菠蘿包嘅相 upload上微博，讚工作人員、粉絲同媒體「太有愛」，真係好識做！

阿叔狂影



《蘋果日報》圖片

周二（ 15日），陳妍希由台抵港，一落機就俾阿叔 fans狂影，但女神依然笑晒！

壯男死跟


 

女神搭扶手電梯走人，癡心壯男 fans一於死跟！企喺隔籬條電梯，搏命影相，唔驚跌死。

學生搏懵


 

現場 fans勁多，場面勁亂。有學生粉絲就「搏大霧」扮記者，成功埋到女神身攞簽名。今晚應該瞓唔着！

大懵女神

準備入閘返台灣，女神可能俾 fans得太開心，竟然無攞證件同登機證喺手，諗住就咁衝入去。結果，俾機場職員截住，要等工作人員解圍。咁大懵，好 cute呀！呢句係媽咪姐幫班宅男粉絲講嘅。



  

arrow
arrow
    文章標籤
    女神 fans 港元 阿叔 跳到 即刻 香港 那些 跌死 截住
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄