綿羊仔既方便又經濟，好多人都想出番架嚟代步，不過最近眾多綿羊仔意外失事的新聞又嚇怕好多人，尤其自問平衡力唔多好的人就更卻步。如果係咁，不如考慮吓 Piaggio MP3 300ie及 Gilera Fuoco 500i，呢兩款新推出的三輪綿羊仔，無論平衡性及安全性都比一般綿羊仔更好，連唔識騎單車的人都舞得掂呢！文：周達之攝影：譚盈傑Model： Alia& Sam@Puremodels
停車不用腳掂地 放大圖片 
■兩個前輪可因應傾斜度而調校高低，片彎都無問題。
隨住款式越出越多，雙前輪型嘅綿羊仔近年開始冒起，試過的人都大讚行車穩定，兩個前輪提供雙倍抓地力，遇上凹凸路面同高速公路，就更加感受到好穩陣。就算係停車時，只要手指一郁鎖上前輪，車身就唔會左右傾側，唔使好似普通綿羊仔咁要伸隻腳出去撐住車身，分分鐘俾側邊架車車爆腳趾公！而制動距離方面更比一般綿羊短約 30%。論安全及舒適，三輪綿羊介乎兩個轆與四個轆之間，正正填補了這個市場空隙。
放大圖片 
■三輪綿羊特有的前輪鎖，一按即固定。
放大圖片 
■獨立懸掛，凹凸地面都一樣應付得到。
女士至愛 Piaggio MP3 300ie 放大圖片 
■前後兩個儲物格夠放兩個頭盔。
雙前輪概念雖然唔係意大利 Piaggio最先發明，但廠商憑雄厚實力將它正式帶入市場。 Piaggio MP3 300ie的外形夠 Cute，每公升電油大約可行 30公里，前輪避震行程會自動調校以應付高低速行車，車身亦經風速測試，確保行車穩定，女士駕駛亦無難度。
男士鍾情 Gilera Fuoco 500i
來自同一集團的還有 Gilera車廠的 Fuoco 500i，馬力比 300ie更大，有 40hp，每公升油約行 24公里，標榜跑爛地，造型亦較為粗獷，適合追求刺激的男士。頭燈有防撞柵、鋼管 Bumper，擺明戰鬥格。車身較 300ie闊，所以沙板亦相對地縮小，免得佔太多空間難泊車。
放大圖片 
■儲物格只可放一個頭盔，想放多個就要掛在車外。
放大圖片 
■ 500i背光錶板設計與 300ie同出一轍，一目了然。
中外齊齊撐
三輪綿羊一直有班支持者，所以生產商唔會放過呢個市場。「星月」係香港人較熟悉的國產品牌， 08年引入香港的 XY150ZK.B樣子趣怪， 150cc，售價約兩萬元，吸引不少女性用家。早前 Peugeot在巴黎車展亦發表過一款 HYmotion3 Compressor概念車具 125cc，兩個前輪用電；後輪用汽油驅動，兼且有車頂擋風遮雨。各國車廠都咁落本開發，證明三輪綿羊將成為主流之一，各位準車主有無興趣呢？
放大圖片 
星月 XY150ZK.B
放大圖片 
HYmotion3
牌費保險費 跟綿羊一樣
據代理稱，牌費、保險以至過海隧收費，由於等同一般綿羊仔，所以費用是一樣，駕駛者有綿羊牌就可出車，一般電單車車位亦泊得落，唔使擔心要租個私家車位。但因車身相對較重，理論上汽油亦要用多啲，不過就可以得到如私家車的穩定，算係值得。
各界點睇
三輪綿羊會唔會成為將來主流呢？不如睇吓各界人士點睇。
後生一派 放大圖片 
模特兒阿 Sam話鍾意佢夠安全，外形亦唔差。至於 Alia就鍾意傳統綿羊，因為覺得三輪有點「鈍」。
車行一派 放大圖片 
車行營業代表 Edward話三輪綿羊係開拓咗一個新市場，佢唔會搶走傳統綿羊生意，好多新客都係貪佢安全先決定出車。
用家一派 放大圖片 
綿羊用家潘先生話三輪綿羊車身闊，車位窄的旺區好難泊位，所以唔會考慮。
規格 放大圖片 
引擎：四衝四氣閥單汽缸排氣量： 278cc重量： 238kg最大馬力： 22.5hp/7,500rpm最大扭力： 24Nm/5,750rpm
規格 放大圖片 
引擎：四衝四氣閥單汽缸排氣量： 493cc重量： 244kg最大馬力： 40hp/7,000rpm最大扭力： 4.3kg-m/5,500rpm查詢： 2788 1133（力榮有限公司） 
留言列表
{{ article.title }}
